11 იან 2019 15:56 964

რა გახდა მარნეულში 15 წლის გოგონას გარდაცვალების მიზეზი?

 

მარნეულში სავარაუდოდ, ბუნებრივი აირის ნამწვით 15 წლის გოგონა დაიღუპა.

ახლობლების განცხადებით, მოზარდი ოჯახის წევრებმა უგონო მდგომარეობაში, აბაზანიდან გამოსვლის შემდეგ იმ ოთახში იპოვეს, სადაც გამათბობელი იყო დამონტაჟებული.

გოგონა კლინიკაში გადაიყვანეს, თუმცა, როგორც "პირველ არხთან" „ავერსის" კლინიკის ემერჯენსის განყოფილების ხელმძღვანელმა, ხათუნა ებრალიძემ განაცხადა, პაციენტი უკვე გარდაცვლილი იყო.

როგორც ადგილზე აცხადებენ, შემთხვევის მიზეზი სავარაუდოდ, არასწორად დამონტაჟებული წყლის გამათბობელი გახდა.

გარდაცვალების ფაქტი შინაგან საქმეთა სამინისტროში დაადასტურეს. მიმდინარეობს გამოძიება.

რეზონანსი