“20% რუსეთს ჩააბარა არა ალტ ინფომ, არამედ ნაცმოძრაობამ” – კობახიძე ალტ–ინფოს დამცველად

“ქართული ოცნების” თავმჯდომარე, ირაკლი კობახიძე პრორუსულ  “ალტ ინფოსა” და “ნაციონალურ მოძრაობაზე” საუბრისას ამბობს:

“როდესაც საქმე ეხება მოძალადე ჯგუფებს, რომლებიც ძალადობენ წლების მანძილზე ქვეყანაში, რა თქმა უნდა, პირველ რიგში გვახსენდება ჩვენ “ნაციონალური მოძრაობა”, რომელიც 9 წლის განმავლობაში ძალადობდა ხალხზე ბიზნესის რეკეტის ფორმით, პატიმრების გაუპატიურებისა და წამების ფორმით და რომელიც საზოგადოებაზე ძალადობას აგრძელებს ახლაც ოპოზიციის რიგებიდან. ეს არის ძალადობა, რასაც ისინი მუდმივად ცდილობენ. მეტობის ნიშანს ვსვამ ნაცმოძრაობის სასარგებლოდ, არავითარი ტოლობის ნიშანი. ნაცმოძრაობაზე მეტი რუსი არავინ არ არის საქართველოში იმიტომ, რომ 20% რუსეთს ჩააბარა არა ალტ ინფომ, არამედ ნაცმოძრაობამ და სტრატეგიული ობიექტები რუსეთს ჩააბარა არა ალტ ინფომ, არამედ ნაცმოძრაობამ, შესაბამისად, ნაცმოძრაობაზე მეტი რუსი, საქართველოში, ბუნებრივია, არავინ არ არის”