მითი 1:
ბოლო დროს, მსოფლიოს არაერთ ქვეყანაში იწერება, რომ ადამიანები მანქანის ყიდვისას აღმოჩნდნენ თაღლითობის მსხვერპლნი და მანქანა იყიდეს ისე, რომ არ იცოდნენ, თუ დალომბარდებული იყო. იყო ისეთი შემთხვევებიც, როცა მანქანა დალომბრადდა ერთ ქვეყანაში, ხოლო გაიყიდა მეორე ქვეყანაში და როცა დალომბარდების მერე, მანქანა მეოთხედ გადაიყიდა, მხოლოდ მას შემდეგ მისწვდა ბანკი და აღსრულება მანქანას და მის ახალ მეპატრონეს.
რეალურად, საქმე იმდენად მარტივადაა, იურისტიც კი არ გჭირდება, – არსებობს გირავნობის რეესტრი, სადაც უნდა გადაამოწმო მანქანა, თუ ყიდვის მომენტისთვის, ბანკს, ან რომელიმე ავტოლომბარს არ აქვს ოფიციალურად განთავსებული ინფორმაცია მანქანის გირავნობაზე, შენ პატიოსანი მყიდველი ხარ, ერთადერთი გზა, რითაც შეგეძლო ინფორმაცია მიგეღო იმაზე, რომ მანქანა დალომბარდებულია – ოფიციალური წყაროებია. შესაბამისად, ყიდვის მომენტში, თუ ოფიციალურ წყაროებში არაა ინფორმაცია მის დალომბარდებაზე, შენ ხარ პატიოსანი მყიდველი და ვეღარავინ შეგედავება. სწორედ ამიტომ, მნიშვნელოვანია, ყიდვის დოკუმენტი ყიდვის მომენტშივე გააფორმო და არ გადადო.
მითი 2:
მხოლოდ სასოწარკვეთილი ადამიანი ალომბარდეს მანქანას, მხოლოდ იმ შემთხვევაში, როცა აღარც ბანკი აძლევს სესხს და სხვა ყველა შანსი ამოწურული აქვს.
ეს ყველაზე გავრცელებული მცდარი წარმოდგენაა. სინამდვილეში, ავტოლომბარდის მომხმარებლები ჩვეულებრივი მოქალაქეები არიან, რომლებსაც გარკვეული თანხა დასჭირდათ გარკვეული მიზნებისთვის, მაგრამ არ სურთ ბანკში წასვლა, რამდენიმე მიზეზის გამო: სესხის პირობების დამუშავებას, განსაკუთრებით თუ ქონების უზრუნველჰყოფითაა, დიდი დრო სჭირდება, ზოგჯერ რამდენიმე დღე და ზოგჯერ რამდენიმე კვირაც, უარის თქმის ალბათობა მაღალია, დოკუმენტების დასტა გჭირდება, ერთ–ერთია შემოსავლებზე ცნობა და თუ არ გაქვს შემოსავლები, ხომ საერთოდაც, უარისთვის ხარ განწირული, ასევე, ხშირად გთხოვენ თავდებს, არსებობს ასაკობრივი ზღვარი და ა.შ. მანქანის დალომბარდება ბევრად მარტივი, სწრაფი პროცესია. მანქანის დალომბარდებაზე ზოგ ავტოლომბარდს საერთოდ არ აქვს ასაკობრივი შეზღუდვა, ზოგს კი აქვს, მაგრამ არც ისე დაბალი, როგორიც ბანკებს.
ასე რომ, დაგჭირდა სახლის რემონტი? გინდა მოგზაურობა და ახალი თავგადასავლები? გინდა განათლება დაიფინანსო? ახალ ბიზნეს იწყებ? მოქმედი ბიზნესის გაფართოებისთვის გინდა თანხა? – თუ გყავს მანქანა – შენ უკვე გაქვს ფული, ძებნა არ გჭირდება.
მითი 3:
ბანკი უფრო უსაფრთხოაო, ამბობენ ხოლმე მცოდნე გამომეტყველებით.
რეალურად კი, ავტოლომბარდებიც და ბანკებიც მოქმედებენ საქართველოს კანონების მიხედვით, დადგენილი ნორმებით მოქმედებენ და სესხის ხელშეკრულებაში იმაზე მეტს, ან ნაკლებს, რასაც დადგენილი ნორმები ითვალისწინებს, ვერაფერს ჩაწერენ. შეფასების სისტემაც თითქმის იდენტური აქვთ. განსხვავდება მხოლოდ სესხის გაცემის პირობები – კერძო ავტოლომბარდებს სწრაფად შეუძლიათ ხელშეკრულების დადება, ნაკლები პროცედურის გავლით, რადგან ნაკლებ საბუთს ითხოვენ, არაა საჭირო შემოსავლების დადასტურება. მთავარია, მანქანა და მანქანის საბუთები სახეზეა, შესაბამისად, სწრაფადვე ხდება ფულის გაცემა.
თუ ძალიან გიყვარს ჩაკითხვა და დაინტერესდები, რატომ გასცემენ ასე მარტივად ავტოლომბარდები სესხს, გეტყვი ბარემ მაგასაც – იმიტომ, რომ არ გადახდის შემთხვევაში, მანქანაა თანხის ამოღების გარანტია.
და მაინც, ერთი მაინც გამოერევა, ვინ იკითხავს – და ავარია რომ მოხდეს? – ამისთვის არსებობს დაზღვევა, რომელიც ასევე მოქმედებს დალომბარდების პირობებში.
მითი 4:
კერძო სახიფათოა, კერძოა და რას დავუმტკიცებ, კერძოა და ვერც ვუჩივლებ…
ეს მითიც აღარაა, ეს ზღაპარია. ნებისმიერი კერძო ავტოლომბარდი დარეგისტრირებულია საქართველოს კანონმდებლობის მიხედვით, მოქმედებს და გასცემს სესხს საქართველოს კანონმდებლობით, ის კი კერძო საკუთრებაა, მაგრამ მისი საქმიანობა არაა კერძო, მის საქმიანობას არეგულირებს კანონი, შესაბამისად, მასთან ნებისმიერი იურიდიული დავის გადაწყვეტა შეგიძლია კანონით.
მითი 5:
და რომ გამიყიდოს ლომბარდმა მანქანა? მეზობლის ნათესავის მეგობრის მოყვარე ამბობდა, რომ ასე მივიდა ლომბარდში, ეგონა სესხი უნდა აეღო და მანქანა გაუყიდესო.
არა, ეს ნამდვილად სრული ტყუილია. ასეთი მაღალი თამასა ჯერ არც ერთ თაღლითს არ აქვს. დოკუმენტების გარეშე მანქანას ვერავინ გაყიდის. ყიდვის, ან გაყიდვის დოკუმენტი სხვაა და გირაოს სულ სხვა. მიხვალ, ამოწმებენ მანქანის საბუთებს, პირადობის დამადასტურებელ დოკუმენტებს, აფასებენ მანქანას, ადარებენ სახელმწიფო რეგისტრაციის ნიშნებს და მორჩა, მოგაქვს მანქანა და მოგაქვს საბუთები – თან გერიცხება ფული.
მითი 6:
თუ ერთხელაც გადააშორე გადახდა დადგენილ თარიღს – კარგავ მანქანას – ეს ყველაზე პოპულარული მითია.
ოფიციალურად არსებობს დადგენილი პერიოდი, საშეღავათო პერიოდი, რომლის განმავლობაშიც ლომბარდი ვერ გაგიყიდის დაგირავებულ მანქანას და ვერც საპროცენტო განაკვეთს გაზრდის. კი, ჯარიმას დაგაკისრებს.
რა ხდება, თუ ეს საშეღავათო პერიოდი ისე გავიდა, რომ ვერ გადაიხადე თანხა? შეგიძლია მოითხოვო ხელშეკრულების გაგრძელება.
თუ არც თანხა გადაიხადე, არც ხელშეკრულების გაგრძელება ითხოვე, ამის შემდეგ აქვს ლომბარდს უფლება დაგირავებულის სტატუსი მიანიჭოს მანქანას.
მაშინაც კი, თუ არაფერი მოიმოქმედე, მანქანის აუქციონზე გაყიდვას გარკვეული პერიოდი სჭირდება:– ჯერ იქნება სასამართლო პროცესი, შემდეგ დადგენილება გადაეგზავნება აღსრულების სამსახურს. მხოლოდ ამ ეტაპების გავლის შემდეგ, შეიძლება ავტოლომბარდი გახდეს ტრანსპორტის მფლობელი და გამოიყენოს ის პირდაპირი გზით ვალის დასაფარად.
მითი 7:
კერძო ავტოლომბარდების უმეტესობა უკვე გადაფორმების გარეშე გასცემს სესხს, ანუ, ალომბარდებ, მაგრამ შენ დადიხარ შენივე მანქანით, თუმცა, იმ შემთხვევაში, თუ მანქანის დატოვება გინდა, კი არ ვიცი, რატომ უნდა გინდოდეს, მაგრამ თუ მაინც გინდა, არსებობდა ასეთი მითი, რომ აი, დადიან, კაცო, ლომბარდის თანამშრომლები შენი მანქანით. „დაგულაობენ“.
ეს ფიზიკურად შეუძლებელია, რადგან თუ მანქანის დატოვებას გადაწყვეტ, ყველა მონაცემი მოწმდება, მათ შორის გარბენი და დოკუმენტს, სადაც ეს მონაცემებია, ხელს აწერ. შესაბამისად, იმის შემოწმება, შეიცვალა, თუ არა გარბენი, ნებისმიერ დროს მარტივად შეგიძლია. მეტიც, ავტოლომბარდი ვალდებულია, იმ პერიოდში, როცა მანქანა მასთანაა, ისე მოუაროს, რომ ნებისმიერი გარემოზემოქმედებისგანაც კი დაიცვას.
ესეც მითები, ახლა კი, ვნახოთ, რა სარგებელი შეგვიძლია მივიღოთ კერძო ავტოლომბარდისგან:
ზემოთ რამდენიმეზე ვისაუბრე, ესენია სწრაფად მიღება თანხის, მცირე დროში, დოკუმენტების დასტის გარეშე. ანუ, აქ სარგებელია დრო, კომფორტი. ასევე სარგებელია გარანტია, რადგან, თითქმის 100 პროცენტით გარანტირებული გაქვს, რომ თანხით წამოხვალ.
ერთ დიდი კომფორტია კიდევ, რაც შეიძლება არც იცი, რადგან სიახლეა: შეგიძლია საერთოდ არ მიხვიდე ავტოლომბარდში, ზოგ კომპანას აქვს სესხის ონლაინ გაცემის მომსახურებაც, შეავსებ ონლაინ გრაფას და ეგაა.
ყველაზე ხშირად დასმული კითხვაა, შეფასებაზე, აინტერესებთ ხოლმე, რა თანხის აღებას შეძლებენ:
სესხის ოდენობა დამოკიდებულია მანქანის მოდელზე, წლოვანებაზე, ვიზუალურ და ტექნიკურ მდგომარეობაზე, საბაზრო ღირებულებაზე. შესაძლებელია საბაზრო ღირებულების 70–დან 90 პროცენტამდე თანხის მიღება.
მანქანას ვერ დავალომბარდებ, რადგან არ მაქვს, მაგრამ მანქანის ყიდვა მინდა
რაკი მანქანა არ გაქვს, გგონია ავტოლომარდი არ გჭირდება? – ცდები, მეგობარო, კი, შენ შეგიძლია მაშინაც დაალომბარდო მანქანა, თუ ჯერ კიდევ არ გაქვს მანქანა. ავტოლომბარდები გთავაზობენ თანადაფინანსებას მანქანის ყიდვისას. ეს იდეალურია, როცა მანქანა გინდა და თანხა სრულად არ გაქვს.
ხო, ყიდვას რაც შეეხება, ზოგჯერ არის ხოლმე შემთხვევები, დაალომბარდა პირმა მანქანა, შემდეგ არ მოუნდა თანხის გადახდა, არ ვიცი, ქვეყნიდან წავიდა, რაღაც შეემთხვა, ახალი მანქანა იყიდა და ეს დატოვა ლომბარდში, გაყიდვაზე ზედმეტად რომ არ ეწვალა, მოკლედ, ასობით მიზეზია. სად მიდის ეს მანქანები ავტოლომბარდიდან, როგორ გგონია? – კი, იყიდება და იყიდება საკმაოდ ბიუჯეტურად, რადგან თითოეულ ასეთ ავტომანქანას ესაჭიროება ავტოსადგომი, მოვლა, ყურადღება – რაც ადამიანურ და ფინანსურ რესურს მოითხოვს, ყოველი ახალი დღე ავტოლომბარდისთვის ამ მანქანის „შენახვისთვის“ ახალი თანხაა, ამიტომ დაინტერესებულია სწრაფად გაყიდოს. ვისაც სწრაფად სურს გაყიდვა, ის ძვირად არ აფასებს, როგორც წესი.
მოკლედ, მაშინაც კი, როცა არ გაქვს მანქანა, ავტოლომბარდი იდეალური გამოსავალია, იქვე იყიდება მანქანები ბიუჯეტურ ფასად. მაინც არ გყოფნის და გაკლდება თანხა? იქვე გიმატებს თანხას ლომბარდი და თან ეს ყველაფერი მარტივად, სწრაფად და კომფორტულად,
დავთვალოთ, აბა, სარგებელი:
წრაფად და კომფორტულად იღებ თანხას, არ გჭირდება ცნობა შემოსავლების შესახებ, არ გჭირდება თავდები, ტარების უფლება შენ გრჩება, ნაკლებ პროცენტში, მეტი სესხის აღება შეგიძლია, 24 საათიანი მომსახურება აქვს უმრავლესობას, ღამითაც არაა ფულის აღება პრობლემა, ონლაინ შეგიძლია დაალომბარდო მანქანა, შეგიძლია იყიდო მანქანა ლომბარდის თანადაფინანსებით, შეგიძლია მანქანა ავტოლომბარდშივე იყიდო ბიუჯეტურად და თან თანადაფინანსებით.
რომელი ავტოლომბარდი სჯობს?
იქნებ, ისეთს ეძებ, რომელიც ახლოსაა? იქნებ, ისეთს, რომელიც 24 საათიან რეჟიმში მუშაობს? იქნებ, გინდა გაიგო, რომელი მეტ სესხს მოგცემს კონკრეტულ მანქანაზე? მე კატალოგი ვიცი, სადაც ავტოლომბარდების საკონტაქტო მონაცემებია განთავსებული, შეგიძლია რამდენიმეს დაურეკო და პირობები ერთმანეთს შეადარო, კომენტარებიც უნდა წაიკითხო, ვინც ისარგებლა, რამდენად კმაყოფილია, რომ გაიგო. როგორც უკვე მოვყევი, ავტოლომბარდი შეიძლება დასჭირდეს მასაც, ვისაც მანქანა აქვს და ვისაც მანქანა არ აქვს, მასაც, ვისაც დღეს ფული აქვს და მასაც, ვისაც დღესაც არ აქვს ფული. ასე რომ შეინახე და არ დაკარგო, ანუ, გაეცი, მიეცი ეს კატალოგი მეგობრებს, ახლობლებს, მეზობლებს, ნათესავებს, სოციალურ ქსელში „ფრენდებს“, ყველას, რადგან, „რასაცა გასცემ შენია და რაც არა – დაკარგულია“ და ერთ დღესაც, შენ მართლაც რომ დაკარგო ამ საიტის მისამართი, იმათგან, ვისაც გაუზიარე, რამდენიმეს მაინც ექნება შენახული.
(R)
კომენტარები