“74 წელი შეუსრულდა, აქედან 49 წელია რაც ადამიანების ჯანმრთელობაზე ზრუნავს” – ნიკა მელია

“ენმ”-ს თავმჯდომარე, მამასთან, ექიმ ანზორ მელიასთან ერთად გადაღებულ ფოტოს აქვეყნებს და წერს:

“დღეს 74 წელი შეუსრულდა, აქედან 49 წელია რაც ადამიანების ჯანმრთელობაზე ზრუნავს. მთელი ეს წლები თავდაუზოგავად ემსახურება ხალხს. თავის თავისთვის, ჩვენთვის – ოჯახისთვის ნაკლებად ეცალა, სულ პაციენტებთან, სულ კლინიკაში იყო, პაციენტების ცხოვრებით ცხოვრობდა და ცხოვრობს.

იშვიათად, ისიც გვიან ღამით ვხედავდი სახლში, მაგრამ მიუხედავად ამისა, უამრავ რამეს ვსწავლობდი მისგან – უშუალოდ მისი ძალისხმევით, ან მის გარეშე – უბრალოდ მისი შემყურე – მის მაგალითზე.

მისგან ვისწავლე, როგორ უნდა იყო პრინციპული, როგორ უნდა იყო მოტივირებული არამოტივირებულ გარემოშიც კი და როგორ უნდა გჯეროდეს წარმატების მაშინაც კი, როცა ამის შენს გვერდით ბევრს არ სჯერა!”