ვინ არის ლევან ვასაძე – რაინდი? ვისია? საიდან მოვიდა პოლიტიკაში? ვისი მეგობარია და ვისი მომყოლია? – ლაშა ამირეჯიბი

ლევან ჯავახიშვილი, ალია

„ალიას“ ესაუბრება სამოქალაქო აქტივისტი, ლაშა ამირეჯიბი.

– ლაშა, ლევან ვასაძე პოლიტიკაში აპირებს მოსვლას და ეს უკვე ღიად განაცხადა. ვასაძე უცხო არ არის ქართული პოლიტიკისთვის.  პოლიტიკაში არ ყოფილა, მაგრამ ეროვნულ ფლანგზე აქტიურობდა და ცდილობდა, პოლიტიკურ პროცესებზე გავლენის მოხდენას. ასევე, ცნობილია, რომ აფინანსებდა კონსერვატორულ დაჯგუფებებს. რატომ გადაწყვიტა მაინც და მაინც ახლა პოლიტიკაში მოსვლა, პარტიის შექმნა,  როდესაც ადრე განაცხადა, რომ თავად, უშუალოდ  პოლიტიკაში  ჩართვას არ  აპირებდა?

–დღეს ქართულ პოლიტიკაში, ლევან ვასაძე–რაინდს  ვერ ვხედავ. მისი შემდეგი ნაბიჯები რა იქნება,  ვის დაიყენებს გვერდით, ვნახოთ.  ამის  მერე გამოჩნდება მისი პოლიტიკური გზა და მისი პარტიის წონა. არ არის ეს კაცი პოლიტიკოსი. კი, ჰქონდა პრეტენზია პოლიტიკოსობაზე თუ პოლიტიკურ პროცესებზე გავლენის მოხდენაზე. მოდი, ერთ რაიმეს გეტყვი. პოლიტიკაში მოდის და ცოტა ხნის წინ განცხადება გააკეთა, დიპლომატებს ხელებს შევუკრავთ და მივაგდებთო. პოლიციელებს ხელებს დავამტვრევთო, ესეც ხომ თქვა? ხომ გახსოვს? როგორ შეიძლება კაცმა, რომელიც პოლიტიკაში აპირებს მოსვლას, ასეთი განცხადებები გააკეთოს? ხვალ, როდესაც მოხვალ პოლიტიკაში, იმ დიპლომატების მხარდაჭერა ხომ გჭირდება შენ, ლევან–რაინდს? წინ არ უნდა გაიხედო? მომავალი პოლიტიკოსი ასეთ განცხადებებს რომ აკეთებ, მორჩა, შენ პოლიტიკოსი აღარ ხარ, იბრალე რამდენიც გინდა, რომ პოლიტიკოსი ხარ. ამიტომ გეუბნები, რომ მას, როგორც პოლიტიკოსს, ვერ ვხედავ. ვერის ბაღში ჯვრის ფორმის ჯოხით რომ დადიოდა, ისეთი შთაბეჭდილება დამრჩა, თითქოს კეტით დადიოდა ვიღაცის საცემრად და დასაჩაგრად. არც ეს მომეწონა, არ იყო მოსაწონი საქციელი. ერთი უმნიშვნელოვანესი მომენტიც არის, ვინ არის ლევან ვასაძე–რაინდი? ვისია? საიდან მოვიდა პოლიტიკაში? ვისი მეგობარია და ვისი მომყოლია? ამ კითხვებზე ჯერ პასუხები არ მაქვს, ვერაფერს გეტყვი. ეს პასუხები ბევრს აინტერესებს და ვფირობ,  მალე გავიგებთ ამ კითხვებზე ყველა პასუხს, ლევან–რაინდის პოლიტიკური გუნდი და მისი შემდგომი ნაბიჯების შედეგად. პროქართველია, პრორუსია თუ პროდასავლელია? პროდასავლელი არ არის, რაც ჯერ მისი ქმედებებიდან და რიტორიკიდან ჩანს, მაგრამ რომელი „პროა“, გამოჩნდება. 16 მაისის აქციის შემდეგ ბევრ კითხვას გაეცემა პასუხი.

– ზოგი ამბობს, რომ ლევან ვასაძე, პატრიოტიზმს ამოფარებული ჩოხა–ახალუხიანი სატყუარაა და პოლიტიკაში გარკვეული ძალების სურვილით შემოვიდა. ამ გეგმის მიზანი კი ეროვნულ–კონსერვატიული ძალების დისკრედიტაცია, მარგინილიზაცია და მათი სახელის შელახვაა. ამ ვერსიაზე რას იტყვი?

– ვის სურს ამ ყველაფერის გაკეთება? ეროვნული ძალების დაქსაქსვა და დისკრედიტაცია? რუსეთს თუ დასავლეთს? ცხადია, დასავლეთს. დასავლეთი ებრძვის ჩვენს ეროვნულ ტრადიციებს, ღირებულებებს  და იმ ხალხს, ვინც მათ იცავს. არ ვიცი, არ გამოვრიცხავ არაფერს. ვასაძე გამოდის და იძახის, მე ვარ პატრიოტი, მე ვარ ეროვნული კაცი და ა.შ. დაველოდოთ, რა მოხდება. ორი–სამი კვირის მერე ბევრი რამ გამოჩნდება, ასე მგონია.

– ყველა ახალი, ეროვნულობაზე პრეტენზიის მქონე პოლიტიკური თუ საზოგადოებრივი ძალის  გამოჩენას დიდი სიფრთხილით ვეკიდები. გავიხსენებ „ქართულ მარშს“ – 10 000 კაციანი აქცია რომ გამართა აღმაშენებლის გამზირზე და გამოჩნდა, რომ მეტი ხალხის მობილიზებაც შეეძლო, უკვე საფრთხედ იქცა ხელისუფლებისათვის. ამის შემდეგ ჩაერია სუს–ი და დაშალა „ქართული მარში“. შეეცადა მოეხდინა „ქართული მარშის“ ლიდერების და ბევრისა მოახერხა კიდეც. ახლა ხელისუფლების საფრთხე რიონის ხეობის დამცველები არიან. სუს–ს ხომ არ სურს, ლევან ვასაძე და მისი გუნდი, ამ ხალხს დაუპირისპიროს, ლევან ვასაძის ეროვნულ ძალად მიჩნეულმა პოლიტიკურმა პარტიამ წამოიღოს „ნამახვანჰესის“ თემა და ამით, ამ ორ ეროვნულ ძალას შორის დაპირისპირება მოხდეს?

– არა მგონია, ლევან ვასაძემ „ნამახვანის“ თემის წამოღება შესძლოს. კი, ჰესის მოწინააღმდეგეთა ნაწილი დადგება მის გვერდით, მაგრამ უშუალოდ რიონის ხეობის დამცველები გვერდში რომ დაიყენო, ამას უზარმაზარი და დიდი ხნის სამუშაოები სჭირდება. უნდა გიცნობდეს ეს ხალხი, უნდა იცოდნენ, ვინ ხარ და რა გინდა, რომ გენდონ… რადგან ლევან ვასაძეა და კიდევ რაინდი, შენ გგონია ის ასი ათასობით კაცი მივა და გვერდში დაუდგება? არ დაუდგება. აგერ, ვარლამ გოლეთიანმა, განცხადება გააკეთა, ლევან ვასაძის მიერ დაგეგმილ 16 მაისის აქციას რიონის ხეობის დამცველები არ ვუერთდებით, ამ აქციის ორგანიზატორების დღის წესრიგისა და მესიჯბოქსების მისამართით, რიონის ხეობის მცველების მოძრაობას მნიშვნელოვანი აცდენა გაქვსო. ახლა მეტი რაღა უნდა ვთქვა ამ თემაზე, გოლეთიანმა თქვა სათქმელი.

რაც შეეხება სუს–ს, სუს–ის გარეშე არაფერი ხდება. სუს–მა დაანგრია „ქართული მარში“, ცალკეული ეროვნული ცნობიერების ადამიანების დისკრედიტაციაც მოახდინა, ათასი ჭორები და უბედურება მოუგონა ამ ხალხს და საზოგადოების დიდმა ნაწილმა დაიჯერა და გაერიდა მათ. ამიტომ გითხარი, სუს–ის გარეშე არაფერი ხდება ამ ქვეყანაში და მით უმეტეს, პოლიტიკაში. სუს–ის პრაქტიკიდან  და რაც ჩვენ ვიცით, იქიდან გამომდინარე, სუს–მა თუ მოისურვა, ლევან ვასაძეს მოკლე ხანში დასდებს ბეჭებზე, დიდი დრო არ დასჭირდება.  ყველაფერს გაუკეთებენ, რასაც მოისურვებენ, ყველა უმსგავსობას. ლევან ვასაძეზე მაგარ ბიჭებს მორევიან. ეს ქვეყნის უსაფრთხოების სამსახური  კი არ არის, ეს არის ჭორების, ჩათლახობების, გოთვერნობის, მამაძაღლობების, წესიერი ხალხის დისკრედიტაციის სამსახური. საშინაო დაზვერვა არ მუშაობს, საგარეო დაზვერვა არ მუშაობს და ქვეყნის რომელ უსაფრთხოებაზე ვლაპარაკობთ? თუ, ბოდიში და, ტრაკი არ გაქვთ მაგათთვის მიცემული, არც სამსახური გაქვს და არც მეტ–ნაკლებად მსხვილ ბიზნესშია შენი ადგილი. შეიძლება მშიერიც მოგკლან. თუ მაგათ ტრაკზე აკოცებ, მაშინ პარტიასაც დაგიარსებენ, ფულსაც მოგცემენ და სხვა სიკეთეებსაც. წესიერი ხალხი კი, ვინც მაგათ ტრაკზე არ კოცნის, ან ქვეყნიდან გარბის, ან შიმშილის პირას არის. სუს–ის საქმეა ქვეყნის არევა და გახლეჩვა, ხალხის ერთმანეთთან დაპირისპირება ამ გზით „ქართული ოცნებისთვის“ ხელისუფლების შენარჩუნება.  თავისი 9 წლიანი მმართველობის თავზე, „ქართულმა ოცნებამ“ ეს საშინელი რეალობა შექმნა.