“ღმერთო, დაიფარე საქართველო !” – ადვოკატთა ასოციაციის პრეზიდენტი

ადვოკატთა ასოციაციის პრეზიდენტი, დავით ასათიანი:

“გამოვთქვამ ჩემს მწუხარებას ახალგაზრდა ადამიანის, ტვ1-ის ოპერატორის გარდაცვალების გამო და ვუსამძიმრებ ოჯახს, მეგობრებსა და კოლეგებს.

აგრესიამ, ძალადობამ და ერთმანეთის შეუწყნარებლობამ სახელმწიფო დიდი გამოწვევის წინაშე დააყენა. ამ გამოწვევის ადეკვატური პასუხი იქნება:

1. ყველა სამართლებრივი პროცესის (ექსპერტიზა, გამოძიება და ა.შ.) სუფთად, ღიად და სამართლიანად წარმართვა.

2. პასუხისმგებლობების ადეკვატურად გადანაწილება.

თუმცა, ადამიანის გარდაცვალების ფონზე ყველაფერი უფერულდება.

ღმერთო დაიფარე საქართველო !”