“რა იქნება ბოლოს…” – ვახო სანაია

ჟურნალისტი, ვახო სანაია:

რა იქნება ბოლოს…

● დაიბადე

მიხვალ ბაღში – დაგხვდება აღმზრდელი, რომელიც იქნება შეშინებული, რომ კრიტიკული არაფერი წამოსცდეს, თორემ უფროსობასთან დაასმენენ.

● მიხვალ სკოლაში – დაგხვდება მასწავლებელი, რომელიც იქნება შეშინებული, რომ არ დააბეზღონ. დაგარწმუნებს, რომ ბიძინა ექვთიმეა.

● ჩააბარებ უნივერსიტეტში ქრთამით ან ნაცნობობით – დაგხვდება ლექტორი, რომელსაც რექტორისა ან განათლების მინისტრის ეშინია.

● დაიწყებ სამსახურს – დაგხვდება უფროსი, რომელსაც მთავრობის ეშინია.

● მუსიკოსი ხარ – ბერა შეგიმოწმებს გემოვნებას. თუ მთავრობის მორჩილი არ იქნები, შენი ნამუშევარი ვიწრო წრეში დარჩება.

● ჟურნალისტი გახდები – შენი უფროსი შალვა რამიშვილი იქნება. დიდი-დიდი ბაჩო და გური გამოხვიდე.

● ეკონომისტი გახდები – ლარის კურსის ,,გაპრავება” მოგიწევს.

● ექიმი გახდები – ვირუსი რომ გავრცელდება, ტიკარაძე გიკარნახებს, როგორ უნდა მოიქცე.

● ფეხბურთელი გახდები – ნაკრებში კალაძის ნებართვით თუ მოხვდები, ისე შანსი არა გაქვს. შენს პოლიტიკურ მოსაზრებებს გადაამოწმებენ და გადაწყდება, გექნება თუ არა კარიერა.

● მწერალი გახდები – წულუკიანი გადაწყვეტს, რა და როგორ დაწერო.

● გამომცემლობა გექნება – წულუკიანი გადაწყვეტს, რა დაბეჭდო. არ დაემორჩილები – მოგაკითხავენ და მოგახრჩობენ ფინანსურად.

● მოგზაურობას გადაწყვეტ – კოკა მორგოშიები გცემენ, რადგან შენი ტანსაცმელი არ მოეწონათ.

● მშენებელი გახდები – შენს პროექტს ბიძინა ივანიშვილი ჩაასწორებს და მხოლოდ მისი გემოვნებით აგაშენებინებენ რამეს, მის მიერვე შერჩეულ ადგილზე.

● ბიზნესმენი იქნები – ფარცხალაძე ჩაგიჯდება წილში, მისთვის იმუშავებ ან ჩაგიყვანს სარდაფში და საერთოდ წაგართმევს.

● ფერმერი გახდები – გახსოვდეს ბიძინას სოფლის მეურნეობაში ,,სერიოზული” იდეები აქვს და შეგეხება ეს იდეები.

● ჯარისკაცი იქნები – დღეში სამჯერ გეტყვიან, რომ რუსეთი მოგვერევა და შენი პროფესია დიდად არცაა საჭირო.

● პოლიციელი გამოხვალ – მოგიწევს ბიძინას სახლის გარშემო დგომა და ახალგაზრდები დევნა.

● დიპლომატი გახდები – ვინმე რომ პუტინს შეაგინებს, ღამის 12 საათზე წერილებს დაგაწერინებენ და ბოდიშებს მოგახდევინებენ.

● ინტერნეტში რამეს დაწერ – ტრი-ტრი გარანტირებული გაქვს

● ამ ყველაფერს შეეგუები – დიდი-დიდი მამუკა მდინარაძე გამოხვალ

● მერე ზებრა შენი საყვარელი ცხოველი გახდება

● მერე პანორამა თბილისზე იტყვი, რომ ყველაზე დიდი პროექტია კაცობრიობის ისტორიაში

● მერე ლევ ლეშენკოც მოგეწონება

● მერე ჯაღმაიძის სტატუსებიც მოგეწონება

● და ასე უსასრულოდ …

გგონიათ შორსაა ? არა. ეს ყველაფერი უკვე გვაქვს. ერთადერთი, რაც ამ ყველაფერს აკლია, შენი დანებებაა.

სულ სამი ვარიანტია :

1. იბრძვი და ცვლი

2. ეგუები

3. მიდიხარ ქვეყნიდან.

აირჩიე.