“ამას მშვიდობა ჰგონია, რაც ახლა ხდება…კატასტროფული შეცდომებისა და დანაშაულის გამო დღეში 50 ადამიანი კვდება” – ვახო სანაია ირაკლი ღაიბაშვილზე

ჟურნალისტი ვახო სანაია სოციალურ ქსელში ეხმაურება პრემიერმინისტრის განცხადებას, რომლის დროსაც ღარიბაშვილმა თქვა, რომ ქართულმა ოცნებამ“ მოიტანა გრძელვადიანი მშვიდობა და სტაბილურობა.

“ამას მშვიდობა ჰგონია, რაც ახლა ხდება COVID-19-ის გამო :

● კატასტროფული შეცდომებისა და დანაშაულის გამო დღეში 50 ადამიანი კვდება.

● საოკუპაციო ხაზთან ჩავიდეს ერთი და ნახავს მშვიდობას. ● ტატუნაშვილებს ჰკითხოს, როგორი მშვიდობაცაა.

● მოიკითხოს, რა ხდება გალში – რა ,,მშვიდად” ცხოვრობს ქართული მოსახლეობა.

● ოღონდ მტერი არ გავაღიზიანო და ყველაფერზე უარს ვიტყვი – ღირსებაზე, წარსულზე, მომავალზე. საგარეო კურსზე. ჩემს ქვეყანას დავაბრალებ ომს. ნაცარს გადავიყრი თავზე, ოღონდ მთავარია ფულის შოვნა შევძლო ჩემივე ხალხის ხარჯზე.

● განვითარება და წინსვლაც ახსენა – აქ საერთოდ კომენტარიც ზედმეტია” – წერს სანაია.

—— ირაკლი ღარიბაშვილი – „ქართულმა ოცნებამ“ მოიტანა გრძელვადიანი მშვიდობა და სტაბილურობა – ჩვენ ვერაფერი შეგვაჩერებს, ვაგრძელებთ ჩვენი ქვეყნის წინსვლას და განვითარებას.