,,ყოფილი ქმარი შე­რი­გე­ბას სთხოვ­და და ქალი არ ურიგ­დე­ბო­დაო“ – დეტალები თერჯოლაში მომხდარ მკვლელობაზე

ახალი დეტალები თერ­ჯო­ლა­ში მომხდარ შემ­ზა­რა­ვ ფაქ­ტზე – 37 წლის თა­მი­ლა ლი­ლუ­აშ­ვილს ყო­ფილ­მა ქმარ­მა ბენ­ზი­ნი გა­და­ას­ხა და თვითმხილ­ვე­ლე­ბის თვალ­წინ დაწ­ვა.

შემ­თხვე­ვა მა­ღა­ზი­ა­თა ქსელ “მაგ­ნი­ტში” მოხ­და, სა­დაც გარ­დაც­ვლი­ლი მუ­შა­ობ­და.

ქალი ცე­ცხლის ალში ად­გილ­ზე­ვე და­იწ­ვა. ფაქ­ტის შე­ემ­სწრე­ე­ბი ცდი­ლობ­დნენ მას მიშ­ვე­ლებ­დნენ, თუმ­ცა უშე­დე­გოდ. მი­უ­ხე­და­ვად იმი­სა, რომ ამ პრო­ცეს­ში ისი­ნიც და­შავ­დნენ, ქა­ლის­თვის დახ­მა­რე­ბის აღ­მო­ჩე­ნა მა­ინც ვერ შეძ­ლეს. და­ზი­ა­ნე­ბე­ბი მი­ი­ღო თა­ვად მო­ძა­ლა­დე­მაც, ის ახლა თერ­ჯო­ლის ერთ-ერთ კლი­ნი­კა­ში რე­ა­ნი­მა­ცი­ულ გან­ყო­ფი­ლებ­შია მო­თავ­სე­ბუ­ლი.

ად­გი­ლობ­რი­ვე­ბის ცნო­ბით, გარ­დაც­ვლილს ორი მცი­რე­წლო­ვა­ნი შვი­ლი დარ­ჩა.

“წლე­ბი უყ­ვარ­დათ ერ­თმა­ნე­თი, ვიდ­რე და­ქორ­წინ­დე­ბოდ­ნენ. შემ­დეგ არ ვიცი რა მოხ­და, კაცი გა­მუდ­მე­ბით ძა­ლა­დობ­და თურ­მე და და­შორ­დნენ. შე­რი­გე­ბას სთხოვ­და და არ ურიგ­დე­ბო­დაო. შე­მა­კა­ვე­ბე­ლი ორ­დე­რიც ჰქო­ნია გა­მო­წე­რი­ლი კაცს, მაგ­რამ ვე­რა­ფერ­მა და­იც­ვა ეს გოგო. ორი ბავ­შვი და­ობ­ლდა” – უყ­ვე­ბა ambebi.ge -ს გარ­დაც­ვლი­ლი ქა­ლის მე­ზო­ბე­ლი.

41 წლის მამაკაცი კი დამწვრობით ,,იმერმედში” გადაიყვანეს. ექიმმა, თინათინ ჩაფიძემ ჟურნალისტებს განუცხადა:

„პაციენტი უმძიმეს შოკურ მდგომარეობაში დაახლოებით, 20:20 საათზე შემოიყვანეს. სხეულის დაახლოებით, 60-70%-იანი, მესამე-მეოთხე ხარისხის დამწვრობა იყო. ის შეყვანილია რეანიმაციულ განყოფილებაში შემდგომი მკურნალობის და დაკვირვების მიზნით,“ – განაცხადა ექიმმა.

ექიმის განცხადებით, 41 წლის მამაკაცის სიცოცხლეს ამ ეტაპზე, საფრთხე არ ემუქრება.