“სატანის მიერ დაპატრონებული ჩვენი ქვეყანა და მისი საპატრულო პოლიცია” – რას წერს მარიამ კუკუნაშვილი

ყველაფერი მაშინ დაიწყო, როდესაც ორი ნარკო ბარიგის შესახებ პოსტი გამოვაქვეყნე, რათა საჯარო გამეხადა ის ფაქტი, რომ ისინი ახალგაზრდებზე ნარკოტიკში გარეულ მომწამვლელ ნივთიერებას ყიდიდნენ. ამის შესახებ ვაცნობე პროკურატურის თანამშრომელს.

ამის შემდეგ, 18 სექტემბერს მოდის ჩემთან პატრულის თანამშრომელი, ბექა კაჭკაჭიშვილი და მაჯარიმებს, ვინაიდან ვიდექი ტაქსებისთვის განკუთვნილ არასწორ ადგილას. ჯარიმის ქვითარი გამოვართვი და ის ის იყო მანქანის დაძვრა დავაპირე, მეუბნება, რომ გადაუხდელი ქვითრის გამო მაქვს ლიშენია, რაზეც ვუხსნი, რომ მას აქვს არასწორი ინფორმაცია. თუმცა ის დაჟინებით იმეორებს, რომ მანქანის დაძვრის უფლება არ მაქვს. დავურეკე მძღოლს და ვთხოვე მოსულიყო და წავეყვანე. მანქანაში ჩავრთე მუსიკა. ამაზე აგრესიული ბექა ჯაჭკაჭიშვილი კიდევ უფრო გაღიზიანდა და მოითხოვა რომ მუსიკა გამომერთო. ვინაიდან მუსიკის მოსმენას კანონი არ კრძალავს, მუსიკა არ გამითიშავს. აქვე ავღნიშნავ, რომ ბექა კაჭკაჭიშვილი იყო ჩვეულებრივი მოძალადე კაცი, რომელმაც მაიძულა, მგლოვიარე მძღოლი ახლობლის დაკრძალვიდან ამეყენებინა და ჩემს დასახმარებლად გამომეყვანა, არც კანონებით საუბარმა, არც თხოვნამ იმის თაობაზე, რომ სამი მცირეწლოვანი შვილი მარტო მყავდა სახლში დატოვებული, არ გაჭრა. საბედნიეროდ მძღოლმა მომაკითხა და კანონდამრღვევი, მატყუარა ბექა კაჭკაჭიშვილის ველს მომაცილა.

ორი კვირს წინ მირეკავს თბილისის საქალაქო სასამართლოს მოსმართლის თანაშემწე და მეუბნება, რომ ჩატარდა ჩემი სასამართლო, ვინაიდან, თურმე ზემოთაღნიშნულ შეკერილ ინციდენტზე პოლიციამ მიჩივლა, და თუ შემდეგშიც არ დავესწრებოდი , სასამართლო განაჩენს ჩემს გარეშე გამოიტანდა. არ დაგიმალავთ და არ დავზოგე მოსამართლე და მისი თანაშემწე, პირველ რიგში იმის გამო, რომ მათ კანონდარღვევით ჩაატარეს პირველი სხდომა, ვინაიდან ჩემთვის უწყება არავის ჩაუბარებია და წარმოდგენაც არ მქონდა არანაირ სასამართლოზე. ჩემი სათქმელი მოსამართლის თანაშემწეს წერილობით( მესიჯით) მის მობილურზეც დავუფიქსირე და საუბრის დროსაც ვუთხარი, რომ მეორე მხარის შეტყობინებისა და უწყების ჩაბარების გარეშე, მათ სასამართლოს ჩანიშვნის კანონიერი უფლება არ ჰქონდათ. ვუთხარი ასევე, რომ არიან კორუმპირებულები, არღვევენ უხეშად კანონს და ისიც ვუთხარი, რომ ამას არ ვაპატიებდი. და ვინაიდან ეხლა ვიმყოფები მექსიკაში, სადაც ჰარვარდის ბიზნეს სკოლა მიღებს შემდეგი რამოდენიმე თვე სხვადასხვა ქვეყანაში, არც იმის თქმა გამჭირვებია რომ მეთქვა, რომ იყავით ფრთხილად, ეხლა დამყვება ჰარვარდის კამერები და არაფერი შეგეშალოთ ჩემთან მთელ მსოფლიოს გავაგებინებ რაც ხართთქო.

ვინაიდან შემდეგი სასამართლო სხდომა არის 19 დეკემბერს, დღეს მქონდა ჩემს ადვოკატებთან საუბარი და ჰოი საოცრებავ. პოლიციიდან გამოთხოვილ ინფორმაციაზე თავად პოლიცია წერილობით ადასტურებს, რომ მე ლიშენია მართლაც რომ არ მქონია, ხოლო მოძალადე, მატყუარა და კანონდამღვევი ბექა კაჭკაჭიშვილი ნაცვლად იმისა ბოდიშებს იხდიდეს, აქეთ მიჩივის იმაზე, რომ თურმე შეურაცხყოფა მივაყენე.

მონა თუ არ ხარ და საკუთარ უფლებებს იცავ, ესეიგი შეურაცხყოფის მიყენებაა, აი ესეა უკვე ჩვენი საქმე ამ ქვეყანაში. აქვე დავსძენ რომ, პატრული ინსპექტორი, მოქალაქის დაჯარიმებისას ვალდებულია სამხარე კამერა ჰქონდეს ჩართული და საუბარს იწერდეს. რათქმაუნდა მოვითხოვ მაგ ჩანაწერის სასამართლოზე წარმოდგენას, რადგან მართლა მაინტერესებს რომელ სიზმარში ნახა ჩემი ლიშენია, რაზე აცდენს ხალხის გადასახადებიდან გადახდილი ფულის ბიუჯეტს, ჩემი ან სხვა ადამიანების დროს და საერთოდ როგორ ბედავს ამდენ სითავხედეს! სახელმწიფო კი, ( თუ გაგვაჩნია კიდევ სახელმწიფო), ითხოვს, რომ თუ მოხდა ჩემი დამნაშავედ ცნობა, ვალდებული ვარ ჯარიმის სახით გადავიხადო 5000 ლარი ან ორი კვირით ჩავჯდე ციხეში… სასაცილოა სატირალი რომ არ იყოს…

რათქმაუნდა არ ვაპირებ უსამართლობას ფული ვუხადო. ვაპირებ უფრო მეტი დავხარჯო, რათა უსამართლობა ძვლებში დავამტვრიო და ხერხემალში გავტეხო. აღნიშნულთან დაკავშირებით ჰარვარდმა ერთი სერია სახელწოდებით “ KGB After Me’’ უკვე ჩაწერა.

ასევე, მივმართე ქალთა და ადამიანის უფლებათა დაცვის ორგანიზებს და კომპეტენტურ არხებსა და ჟურნალისტებს როგორც საქართველოში ასევე უცხოეთში და მზად არიან დამითმონ ეთერი, რათა მსოფლიომ გაიგოს, ის, თუ როგორ და რა მეთოდიკით მუშაობს კაგებეს ბინძური ხელები ჩვენს ქვეყანაში.

აქვე ავღნიშნავ, რომ ჩვენს ქვეყანაში, ძალოვან უწყებებში მომუშავე ამ სულიერად ზნედაცემულ კაცებს ეშინიათ ჩემნაირი თავისუფალი და მებრძოლი ადამიანების. სწორედ ამიტომ, იმ დროიდან მოყოლებული, რაც ბიზნეს საქმიანობას ვეწევი, ჩემზე უამრავი საქმეა აღძრული პროკურატურაში, ფინანსურ პოლიციაში, აწ უკვე საპატრულო პოლიციაშიც. ვერც დანაშაული დამიმტკიცეს და არც 10-15 წლის წინ გახსნილი საქმეები დაუხურავს არცერთ უწყებას, იმიტომ რომ სისტემა არის მოძალადე და სისტემას უნდა, რომ შიშში, ტერორში, გაჭირვებაში და უბედურებაში გვაცხოვრონ, რათა ვიყოთ მათი მონები და ბრძოლის თავიც აღარ გვქონდეს. მე ვარ თავისუფალი ადამიანი, ვიბრძოლებ და გავიმარჯვებ, ჩემთვის, თქვენთვის, ჩვენი შვილებისთვის!

1. საჯარო ბოდიში საპატრულო პოლიციისგან ჩემზე განხორციელებული ძალადობის და არარსებული ლიშენიის გამო მანქანის ჩამორთმევისთვის.

2. მოძალადე და მატყუარა პატრული ინსპექტორის სამსახურიდან გათავისუფლებას და საპატრულო პოლიციის უფროსის გადადგომას.

3. ასევე ვითხოვ გენპროკურორი ირაკლი შოთაძისგან ახსნა განმარტებას იმის თაობაზე, თუ რატომ არ არის დახურული 10-15 წლის წინ გახსნილი საქმეები, როცა გაირკვა, რომ მე დამნაშავე არ ვარ. ვითხოვ ბოდიშს მისგან და საქმეების დახურვას.

4. ჩემზე განხორციელებული მრავალწლიანი უსამართლო დევნისა და ძალადობის გამო ვითხოვ სახელმწიფოსგან სოლიდურ კომპენსაციას.

აღნიშნული თანხით აშენდება ძალადობის მხვერპლ ქალთა და ბავშვთა თავშესაფარი და პროექტში დასაქმდებიან უმუშევარი ქართველი ადამიანები. პროცესი იქნება გამჭირვალე და ყველაფერი მოხდება ხალხის მეთვალყურეობით.