“ხვალ დადგმა იქნება, რომ გული წაუვიდა” – ყაველაშვილი

“ხალხის ძალის” წარმომადგენელი, მიხეილ სააკაშვილის ჯანმრთელობის მდგომარეობასა და ხვალ დაანონსებულ სასამართლო პროცესზე საუბრისას, ამბობს:

“ხვალ ესეთი დადგმა იქნება, რომ გული წაუვიდა, რომ უფრო მძაფრი სიუჟეტი იყოს გამოვლენილი. ხაჭაპურიძის დღევანდელი ნათქვამიდან პირდაპირ შეიძლება, რომ 20 წუთში სამჯერ წაუვიდა და ხვალ პროცესს მაინც შეეცდება, რომ ჩაერთოს.

ჩემი ორი პარლამენტარი არის, სამ თვეში ვერ იცნობთ ისე აქვთ დაკლებული – დიტო სამხარაძე და ბექა ოდიშარია.”

შეგახსენებთ, რომ ხვალ, თბილისის საქალაქო სასამართლოში მიხეილ სააკაშვილის სასჯელის გადავადების, ან გათავისუფლების შესახებ შუამდგომლობას, მოსამართლე გიორგი არევაძე განიხილავს.