“არცერთი ხმა, სანამ სტალინის ძეგლი არ დაიდგმება” – რას პირდებოდა “ოცნება” სტალინელებს

სტალინელებმა გორში დღეს ტრადიციულად იზეიმეს საბჭოთა დიქტატორის დაბადების დღე და მუზეუმის ტერიტორიაზე ძაღლების შესვლის აკრძალვაც მოითხოვეს.

გორში შეკრებილებმა კულტურის მინისტრს მიმართეს და წინასაარჩევნო დაპირებები შეახსენეს. მათი თქმით, მთავრობა ხმების სანაცვლოდ “ბელადის” ძეგლის აღმართვას უკვე მრავალი წელია პირდება:

“მე პირადად წულუკიანს მივმართავ სტალინის ძეგლის დადგმასთან დაკავშირებით, თორემ ძალიან დიდი პრობლემები შეექმნება მაგ სამინისტროს, არჩევნები რომ მოდის და კარდაკარ დაიწყებენ სიარულს, ხალხთან მისასვლელი პირი უნდა ჰქონდესს, ჩვენ პატარა არმია არა ვართ” – ამბობს ზუმბურიძე ზურიკო.