“არავინ არ იცის ეს” – რომელ პოლიტიკოსებს და პარტიებს აფინანსებს ნაციონალური მოძრაობა?

ნაციონალური მოძრაობის წევრი, დეპუტატი, ეკა ხერხეულიძე, “ტვ პირველთან” ამბობს:

ნიკა მელია არის არახარბი ადამიანი, მითქვამს მისთვის, სწორი იქნება, მიხვიდე ეთერში და მოყვე სად მიდის პარტიის ფინანსური რესურსი. არავინ არ იცის ეს. ის დაფინანსება რასაც ხალხი კითხულობს ეს არ არის ნაციონალური მოძრაობის დაფინანსება – როდესაც იყურებით საჯარო რეესტრში და ბიუჯეტში, ეს არის იმ ხალხის და იმ პარტიების, რომლებიც პოლიტიკურ ცხოვრებაში აღარ გახსოვთ, მაგრამ ნაციონალური მოძრაობის სახელით არიან პოლიტიკური სუბიექტები. ჩვენი პარტია აფინანსებს იმ პარტიებს, რომლებიც წარმოადგენდნენ არჩევნების წინ კოალიციას ნაციონალურ მოძრობასთან. ასეთი იყო პირობა. ის მიზერული თანხა, რომელიც პარტიაში რჩება… როდესაც ლევანი (ხაბეიშვილი) ლაპარაკობს, რომ დახურულია, თურმე, ოფისები, ამის ბრალია. ის ვალები, ჯერ არის დაუსრულებელი, ჩვენ ვალის მდგომარეობაში ვიმყოფებით და ის დაფინანსება, რომელიც ყველას წარმოუდგენია ნიკა მელიას შემოსავლად, პრაქტიკულად არ არსებობს.