რას ჰყვება ხვიჩა მაღლაკელიძე მოსკოვურ წვეულებაზე, რომელსაც პავლიაშვილთან ერთად, ნუცა ბუზალაძე, დათო ხუჯაძე და სხვა ქართველები ესწრებოდნენ

რამ­დე­ნი­მე სა­ა­თის წინ, სო­ცი­ა­ლურ ქსელ­ში გავ­რცელ­და ვი­დეო, სა­დაც ჩანს, რომ მოს­კოვ­ში ქარ­თველ­მა მომ­ღერ­ლებ­მა, სა­ვა­რა­უ­დოდ, ერთ-ერთ რეს­ტო­რან­ში იმ­ღე­რეს. ვი­დე­ო­ე­ბის ავ­ტო­რი ვინ­მე ეკა­ტე­რი­ნე სტე­ფა­ნო­ვა გახ­ლავთ. ვი­დე­ო­ში ჩანს, რომ ღო­ნის­ძი­ე­ბა­ზე იმ­ყო­ფე­ბი­ან სა­ქარ­თვე­ლო­ში მცხოვ­რე­ბი ქარ­თვე­ლი შემ­სრუ­ლებ­ლე­ბი, სოსო პავ­ლი­აშ­ვილ­თან ერ­თად, “სამ­შობ­ლოს” მღე­რი­ან: ნუცა ბუ­ზა­ლა­ძე, დათო ხუ­ჯა­ძე, ხვი­ჩა მაღ­ლა­კე­ლი­ძე და მიშო სუ­ლუ­ხია.

“მად­ლო­ბა, რომ ჩვენ ყვე­ლა ერ­თად ქარ­თუ­ლად ვმღე­რით! ყვე­ლა­ფე­რი ძა­ლი­ან კარ­გად იქ­ნე­ბა. ჩვენ ვი­მარ­ჯვებ­დით, ვი­მარ­ჯვებთ და გა­ვი­მარ­ჯვებთ ყო­ველ­თვის”, – რუ­სულ ენა­ზე ასე მი­მარ­თა პავ­ლი­აშ­ვილ­მა შეკ­რე­ბილ აუ­დი­ტო­რი­ას.

Ambebi.ge კო­მენ­ტა­რის ჩა­სა­წე­რად ხვი­ჩა მაღ­ლა­კე­ლი­ძეს და­უ­კავ­შირ­და. მუ­სი­კოს­მა ჩვენ­თან სა­უ­ბარ­ში და­ა­დას­ტუ­რა, რომ სა­ღა­მო მოს­კოვ­ში შედ­გა და მას ქარ­თვე­ლი შემ­სრუ­ლებ­ლე­ბი ნამ­დვი­ლად ეს­წრე­ბოდ­ნენ, თუმ­ცა მისი თქმით, ეს არ ყო­ფი­ლა კონ­ცერ­ტი, ეს იყო კორ­პო­რა­ტი­უ­ლი სა­ღა­მო, რო­მელ­ზეც ერთ-ერთი იქ მცხოვ­რე­ბი ქარ­თვე­ლის და­ბა­დე­ბის დღეს აღ­ნიშ­ნავ­დნენ.

ხვი­ჩა მაღ­ლა­კე­ლი­ძე:

– კონ­ცერ­ტი არ ყო­ფი­ლა ეს, კორ­პო­რა­ტი­უ­ლი სა­ღა­მო იყო, ჩემო კარ­გო. სამი დღის წინ გა­ი­მარ­თა, ახლა ისევ მოს­კოვ­ში ვარ, დღეს მოვფრი­ნავ.

– ნა­ხავ­დით ნი­უ­სებს, რო­მე­ლიც დღეს დი­ლას ქარ­თულ მე­დი­ა­ში ამ თე­მა­ზე გავ­რცელ­და.

– არ მი­ნა­ხავს არა­ფე­რი, რა ხდე­ბა? კორ­პო­რა­ტუ­ლი სა­ღა­მო იყო, ასეთ­ზე ვყო­ფილ­ვარ მი­ლი­ონ­ზე, სად არ ჩავ­სულ­ვარ. რა ამ­ბა­ვი ატყდა, რა მოხ­და

– მოს­კოვ­ში ჩახ­ვე­დით…

– ოჰ, ნე­ტაი თქვენ.

– ვისი კორ­პო­რა­ტი­უ­ლი სა­ღა­მო იყო, და­ბა­დე­ბის დღე იყო, ქორ­წი­ლი?

– და­ბა­დე­ბის დღე­ზე ვი­ყა­ვი, მაგ­რამ არ გე­ტყვით ვისი.

– ქარ­თვე­ლის თუ რუ­სის?

– ქარ­თვე­ლის, კაცო, რუს­თან რა მინ­და, გა­და­ა­შე­ნეთ.

– რო­გო­რი დრო გა­ა­ტა­რეთ?

– ჩვე­ნი გა­მოს­ვლის დრო გვქონ­და, მი­ვე­დით, გა­მო­ვე­დით სცე­ნა­ზე და წა­მო­ვე­დით სას­ტუმ­რო­ში.

– არე­უ­ლო­ბა რომ არის რუ­სეთ­ში, ხომ არ შე­გექ­მნათ გა­მომ­გზავ­რე­ბა­ზე პრობ­ლე­მა?

– არა, ამ წუ­თას არა­ფე­რი არ იგ­რძნო­ბა. რომ მოხ­დე­ბა, პირ­ვე­ლი თქვენ გა­გა­გე­ბი­ნებთ.

– იქ ყოფ­ნი­სას არ გქო­ნი­ათ ის მო­მენ­ტი, რომ გავ­რცელ­დე­ბო­და ეს კად­რე­ბი და გან­სხვა­ვე­ბუ­ლი რე­აქ­ცი­ე­ბი მოჰ­ყვე­ბო­და?

– მთე­ლი ცხოვ­რე­ბა დავ­დი­ვარ მოს­კოვ­ში, პეტრბურ­გში, ყა­ზან­ში, და­ბეჭ­დი­ლა კი­დეც და ჩემი სუ­რა­თე­ბიც და­დე­ბუ­ლა, მაგ­რამ რა პრობ­ლე­მაა, მე მოვ­დი­ვარ ქარ­თვე­ლებ­თან.

– რას ეტყო­დით იმ ქარ­თვე­ლებს, რომ­ლე­ბიც გაბ­რაზ­დნენ, ერთი წერ­და, – ყვე­ლა­ზე მე­ტად ხვი­ჩა მაღ­ლა­კე­ლი­ძე­ზე დამ­წყდა გუ­ლიო.

– მე რამე და­ვუ­შა­ვე იმ ადა­მი­ანს, თუ ამ ჰა­ერს რა­ტომ ვსუნ­თქავ? ხში­რად მაქვს მარ­თლა ურ­თი­ერ­თო­ბა აქა­ურ ქარ­თვე­ლებ­თან, არც მი­ნა­ხავს ახა­ლი არა­ფე­რი, სად­მე რამე და­ი­წე­რა? კი­დევ კარ­გი “სამ­შობ­ლოს“ ვმღე­რო­დით და არა “კა­ტი­უ­შას“. ღმერ­თმა მშვი­დო­ბა მოგ­ცეთ შინ და გა­რეთ, ეს ყვე­ლა­ფე­რი ჩა­ივ­ლის, ჩვენ ვი­ყოთ ჯან­მრთე­ლად.

,,მთავარი არხის” ინფორმაციით, ქართველი მომღერლები კანონიერი ქურდის ბადრი კოღუაშვილის შვილის, ნია კოღუაშვილის დაბადების დღეზე იმყოფებოდნენ.