პრიგოჟინი ჩამოვარდნილი თვითმფრინავის მგზავრებს შორისაა, ყველა დაიწვა – რუსული მედია

რუსული მედიის ცნობით, საჰაერო ტრანსპორტის ფედერალურმა სააგენტომ დაიწყო გამოძიება თვითმფრინავის ჩამოვარდნაზე ტვერის რეგიონში, მგზავრებს შორის იყო ევგენი პრიგოჟინი,

“მგზავრთა სიის მიხედვით, მათ შორის არის ევგენი პრიგოჟინის სახელი და გვარი”, – აღნიშნეს დეპარტამენტში.

ცოტა ხნის წინ, რუსულ მედიაში, რუსეთის საგანგებო სიტუაციების სამინისტროზე დაყრდნობით გავრცელდა ინფორმაცია, რომ კერძო თვითმფრინავი Embraer ჩამოვარდა ტვერის რეგიონში, ბორტზე ყველა დაიღუპა.

“ბორტზე სამი პილოტი და შვიდი მგზავრი იმყოფებოდა. ყველა დაიღუპა”

სასწრაფო დახმარების სამსახურმა TASS-ს განუცხადა, რომ ნაპოვნია ოთხი ადამიანის ცხედარი. მან ასევე დაამატა, რომ თვითმფრინავი მიწაზე დაცემისას დაიწვა.