შინაგან საქმეთა მინისტრი ვახტანგ გომელაური აცხადებს, რომ 3 ახალი შვეულმფრენის შესყიდვის მიზნით ხელშეკრულება ფრანგულ კომპანიასთან 2022 წლის 19 დეკემბერს გაფორმდა და პირველი ვერტმფრენი დაახლოებით 6 თვის განმავლობაში უნდა მოგვაწოდონ.
შს მინისტრი ამბობს, რომ ყველა მოწინავე ტექნიკა გვაქვს, იგივე, რაც აქვს ევროპას და ამერიკას, თუმცა, არ აკონკრეტებს, თუ ყველა საჭირო ტექნიკა გვაქვს და ვერტმფრენებიც აღჭურვილია, რა საჭიროა მაშინ დამატებით 3 შვეულმფრენის შესყიდვა.
“რაც შეეხება სამაშველო ვერტმფრენების საკითხს, არაერთხელ გავაცანით საზოგადოებას ჩვენი გეგმებისა და კონკრეტული ღონისძიებების შესახებ…კიდევ გაგიმეორებთ, რომ საქართველოს მთავრობასთან კოორდინაციით, 3 ახალი შვეულმფრენის შესყიდვის მიზნით ფრანგულ კომპანიასთან “ეარბას ჰელიკოპტერთან” ხელშეკრულება გაფორმდა 2022 წლის 19 დეკემბერს. შვეულმფრენები, რომელსაც სამინისტრო ყიდულობს, არის მრავალფუნქციური და შეუძლია შეასრულოს საპოლიციო-სატრანსპორტო-სამძებრო და სამაშველო ოპერაციები. პირველი ვერტმფრენი დაახლოებით 6 თვის განმავლობაში უნდა მოგვაწოდონ და შემდეგ უკვე დანარჩენი ორი,” – განაცხადა გომელაურმა პარლამენტში.
ცნობისთვის, ამ წუთებში პარლამენტი შოვის ტრაგედიის საკითხზე შს მინისტრ ვახტანგ გომელაურს უსმენს.
კომენტარები