ანალიტიკოსი ამირან სალუქვაძე სოციალურ ქსელში წერს:
„სიმართლე ე.წ. ბორდერიზაციის შესახებ
წლებია სააკაშვილი და მისი მომხრეები ცდილობენ შექმნან სურათი, თითქოს საოკუპაციო საზღვრის გავლების პროცესთან ნაცმოძრაობის მმართველობას შეხება არ აქვს.
რეალობა შემდეგია.
პირველად საოკუპაციო საზღვრის გავლება რუსეთმა დაიწყო 2009 წელს.
უფრო აქტიური სამუშაოები დაიწყო 2011 წელს და მავნე ტერმინი “ბორდერიზაცია”, რომლის წინააღმდეგიც ვარ, დამკვიდრდა სააკაშვილის პრეზიდენტობის პერიოდიდან, ანუ 2011 წლიდან და საოკუპაციო ხაზს მიღმა დამატებით 32 ქართული სოფელი აღმოჩნდა.
უთხარით იმ არითმეტიკის “პროფესორს” ეს 32 სოფელი გადაიყვანოს “კვადრატულ ტერიტორიებში”, როგორც თვითონ უწოდებს. ალბათ “ბევრი კვადრილიონი ტერიტორია” გამოუვა.
2011 წელს 1 კმ-მდე მავთულხლართი გორის რაიონის სოფელ დიდ ხურვალეთში გაავლეს.
იმავე წელს, გორის რაიონის სოფელ ქვემო ნიქოზში, 3 კმ-დე სიგრძის მავთულხლართი გავლება მოხდა.
2012 წელს მავთულხლართების მოწყობა გორის რაიონის სოფელ მეჯვრისხევშიც დაიწყო და 2013 წლის ივნისში გაგრძელდა.
ვინმეს გახსოვთ რუსეთის მესაზღვრეებთან 2009, 2011 ან 2012 წლებში მივარდნილი ან სააკაშვილი, ან მისი აქტივისტები? არა. არადა, ვიმეორებ, დამატებით 32 სოფელი მოექცა საოკუპაციო ზოლის მიღმა.
სამაგიეროდ, როცა ხელისუფლება შეიცვალა და უკვე 2013 წელს რუსეთმა მავთულხლართების გავლება და ბანერების დაყენება განაახლა, სააკაშვილი სოფელ დვანში ჩავიდა და იქედან პოპულისტური განცხადებები გააკეთა, თითქოს მანამდე არაფერი მომხდარა. ესაა უტიფრობა.
ქვეყნისთვის განა აქვს მნიშვნელობა რომელ წელს დაიწყო ტერიტორიების ოკუპაცია და ბანერების აღმართვა?! მთელ ერს ერთნაირად უნდა გვაწუხებდეს.
მაგრამ როცა ამ თემით სპეკულირებენ, თითქოს ამ ე.წ. ბორდერიზაციასთან, ანუ საოკუპაციო საზღვრის გავლებასთან ნაცმოძრაობას შეხება არ აქვს, თითქოს ეს არაა მათი “მოღვაწეობის” შედეგი, ესაა მიუღებელი.
ამ თემის გამოყენება ვიწროპოლიტიკურ ინტერესებისთვის ამორალუროა.
დღეს ისე იქცევიან, თითქოს არსებობს ომის გარდა ამ პროცესის შეჩერების სხვა გზები და ხელისუფლება არ მიმართავს.
იქნებ საკუთარ თავს ჰკითხონ, ან ვინმემ შეეკითხოს ნაცმოძრაობის ლიდერებს, რატომ თავშივე არ აღკვეთეს 2009, 2011 ან 2012 წელს? აქვთ პასუხი?
დახვეული აქვთ ერთი ვიდეო, ანაკლიაში რომ მივარდა და ატრიალებენ ყველგან. რომ მივარდა, რა გააკეთა, ხალხის გატაცებები შეწყდა, თუ ოკუპაცია? 2009-12 წლებში დაყენებული ბანერები რატომ არ მოანგრია?
.რუსეთი დღემდე აგრძელებს მავთულხლართების გავლებას. ჯერ მთლიანი ადმინისტრაციული საზღვრის მეხუთედი ექნება მონიშნული. წლების მანძილზე ბევრჯერ დავწერე, რომ ამ საკითხს შიდაპოლიტიკურ პროცესებზე გავლენისთვის იყენებენ, თორემ აქამდე დაასრულებდნენ. ესმის ოპოზიციას? ესმის, რადგან, როგორც ჩანს, მათ ინტერესებშიც შედის, რათა ხელისუფლების საწინააღმდეგოდ გამოიყენონ.
შემდეგ პოსტებში კიდევ ერთხელ გამოვაქვეყნებ 2008 წლიდან საოკუპაციო საზღვრებთან გატაცებული ჩვენი მოქალაქეების სიებს, გვარების, თარიღების მითითებით. იქნებ ოდესმე დაასრულონ ამ თემით სპეკულირება?!
P.S. არანაირი “ბორდერიზაცია” და “მცოცავი (განგრძობადი) ოკუპაცია”, უნდა გამოვიყენოთ ფრაზები “საოკუპაციო საზღვარი (ზოლი)” და “საომუპაციო საზღვრის (ზოლის) გავლება”.
კომენტარები