ვიმედოვნებთ, დახმარების საჭიროება არ დადგება, თუმცა მზად უნდა ვიყოთ, რომ სომხეთი და საქართველო დავეხმაროთ ერთმანეთს, – ამის შესახებ სომხეთის პრემიერ-მინისტრმა, ნიკოლ ფაშინიანმა ადგილობრივი მედიის მიერ დასმული შეკითხვის პასუხად განაცხადა – დასაშვებად მიიჩნევს, თუ არა სომხეთის მთავრობა კორონავირუსთან ბრძოლაში დახმარებისთვის საქართველოს მიმართოს.
„ვიმედოვნებთ, რომ ამის საჭიროება არ დადგება. რადგან ჩვენ ყველაფრის ისე გაკეთებას შევძლებთ, რომ რეანიმაციული განყოფილებების აუცილებლობა არ იყოს.
ამრიგად, შევძლებთ, გავაკეთოთ ისე, რომ დახმარება არ გახდეს საჭირო, თუმცა, უნდა ვთქვა, რომ ჩვენ ორმხრივად მზად უნდა ვიყოთ, განსაკუთრებით სომხეთი და საქართველო, დავეხმაროთ ერთმანეთს“
პრემიერმა ასევე აღნიშნა, რომ 2019 წელს საქართველოში წითელას ვირუსის გავრცელების დროს სომხეთმა 30 ათასი დოზა წითელას ვაქცინა მიაწოდა მეზობელ ქვეყანას.
კომენტარები