“ნიუპოსტის” ინფორმაციით, საქარველოს მეოთხე პრეზიდენტი, გიორგი მარგველაშვილი “ლელოს” გუნდს უერთდება.
მოლაპარაკებები გიორგი მარველაშვილსა და “ლელოს” ლიდერებს შორის უკვე დაწყებულია, დიდი ალბათობით ექსპრეზიდენტი მამუკა ხაზარაძის პოლიტიკურ გაერთიანებაში, სიის პირველი ნომერი იქნება.
თავად მარგველაშვილი აცხადებს რომ მისი პოლიტიკური გემოვნება ახლა ყველაზე ახლოსაა “ლელოსთან” , თუმცა იქნება თუ არა იგი 2020-ის არჩევნებზე სიაში ამ გუნდთან ერთად , ექსპრეზიდენტი აცხადებს, რომ ჯერჯერობით მას ამაზე საუბარი არ სურს.
“მაჟორიტარად კენჭის ყრას არ ვაპირებ. შეთავაზებები და აზრები იყო ბევრი, მაგრამ ეს არ არის ყოველთის ეთერში მოსაყოლი, ვისგან და რანაირად. პოლიტიკური სპექტრის ერთი, ძალიან მნიშვნელოვანი ნაწილი გამოიყოს, ის, რაზეც არის ქართული საზოგადოების შეკვეთა. ქართული საზოგადოების შეკვეთა არის ახალ ძალაზე და არა წინა ხელისუფლებაზე, არა კიდევ იმის წინა ხელისუფლებაზე არამედ ახალ, მომავალ ძალაზე. ლელო არის პოლიტიკური ძალა, რომელიც არა მხოლოდ ჩემს ღირებულებებთან არის ახლოს, არამედ იქ არის ჩემი ბევრი ყოფილი თანამებრძოლი”
“ლელოს” ერთ-ერთი დამფუძნებელი ბადრი ჯაფარიძე აცხადებს:
“მარგველაშვილთან ჩვენ გვაქვს შესანიშნავი ურთიერთობა, ჩვენ ვსაუბრობთ ძალიან მნიშვნელოვან თემებზე ერთად დაა გავაგრძელებთ ამ საუბრებს იმისათვის, რომ წელს ეს ხელისუფლება შეიცვალოს, შეიცვალოს საქართველოს მომავალზე ორიენტირებული ხელისუფლებით. რაც შეეხებაპარტიაში მარგველაშვილის ყოფნაზე, ჩვენ მასთან ამ ეტაპზე საუბრები არ გვაქვს. ასეთი გადაწყვეტილება როცა მიიღება ეს აუცილებლად გახდება ცნობილი საზოგადოებისთვის. ჩვენ გვაქვს მარგველაშვილთან ქვეყნისთვის მნიშვნელოვანი საუბრები და ეს საუბრები გაგრძელდება იმისათვის, რომ ჩვენ ხელი შევუწყოთ ამ ხელისუფლების შეცვლას” – აცხადებს ბადრი ჯაფარიძე.
კომენტარები