ეკონომიკის მინისტრის, ნათია თურნავას განცხადებით, მთავრობას არასდროს უთქვამს, რომ პირველი ივლისიდან რეგულარული, ანუ მასობრივი ფრენები აღდგებოდა:
“არადსროს ჩვენ არ გვითქვამს, რომ რეგულარული, ანუ მასობრივი ფრენები პირველი ივლისიდან გაიხსნებოდა. ჩვენ ყოველთვის ვამბობდით რას, რომ აუცილებლად გავხსნით ბაზარს, მაგრამ ძალიან მკაცრი კონტროლის ქვეშ.
ზოგადად, ფრენები შეჩერებული არაა და კვლავ მოქმედებს ჩარტერული რეისები. როგორ მინისტრი ამბობს, ადამიანისთვის სულ ერთია ჩარტერით იფრინებს, თუ რეგულარულით, რადგან “ორივე კომერციულია”.
ყველასთვის გახსნა ნიშნავს რას, რომ დაიწყება მყისიერად ბილეთების გაყიდვა. არანაირი იურიდიული საფუძველი ამის შეზღუდვის არ იარსებებდა. ამასთან ევროკავშირმა მხოლოდ ახლა მიიღო სია, ორში გამოქვეყნდა და არა პირველში, ახლა სათითაოდ სახელმწიფოები აგარჩევენ ან არა. აღმოჩნდებოდა, რომ ხალხი დარჩებოდა მოტყუებული, მათ ეჭირებოდათ ბილეთები ისეთ ქვეყნებზე, რომელიც არ მიიღებდა მათ. ანუ მოლოდინი არ გამართლდებოდა და ამაზე კვლავ ჩვენ ვიქნებოდით პასუხისმგებელნი.
ამიტომ ჩვენ არასდროს გვითქვამს, რომ პირველი ივლისიდან ასე უკონტროლოდ, ქაოტურად მასობრივად გავხსნიდით. სამწუხაროდ, ამის საშუალებას არ გვაძლევს გლობალური ვითარება, ამერიკის შეერთებულ შტატებში ახლა, მაგალითად, პიკია. გახსნა ნიშნავს ტრანზიტული მგზავრისთვის გახსნას, ყველანაირი გახსნა, ამიტომ აბსოლუტურად სწორი იყო, რომ ჩვენ მოვიგეთ დრო”.
მინისტრს რეგულარული ფრენები რომ ქაოტური და უკონტროლო ჰგონია, ეს ერთი პრობლემაა.
მეორე პრობლემა ისაა, რომ თვლის, რეგულარული ფრენების კონტროლი არ შეუძლია – არადა, როცა ჩინეთში, იტალიაში ვირუსი მძვინვარებდა და რეგულარული ფრენები არ შეუწყვეტია – გვიმტკიცებდა, ვაკონტროლებთო, ახლა გვეუბნებიან, არ კონტროლდება, ვერ გავაკონტროლებთო…
მესამე და მთავარი პრობლემა ისაა, რომ მინისტრი ურცხვად გვატყუებს, არათუ რეგულარულ ფრენას, ტურისტსაც გვპირდებოდა პირველი ივლისიდან და ამით თავს იწონებდა…
იტალიაც კი ახერხებს კონტროლს, ჩინეთიც ახერხებს კონტროლს და ფრენაც აღადგინა… აი, ჩარტერსა და რეგულარულ ფრენებს შორის რომ ვერ ხედავს განსხვავებას – ეგაც ტყუილია, ასეთი ბეციც არ არის.
შეგახსენებთ, მაისის თვეში მთავრობაში აცხადებდნენ, რომ პირველი ივლისიდან საქართველო საერთაშორისო ტურისტების მიღებას დაიწყებდა. მთავრობის წარმომადგენლები ამისთვის ხვდებოდნენ ტურიზმის სფეროს წარმომადგენლებს, მოლაპარაკებებს აწარმოებდნენ და იმ ქვეყნებსაც ასახელებდნენ, საიდანაც ჩამოფრინდებოდნენ პირველი მგზავრები.
ალია
კომენტარები