შსს-ში ბრალდებულების ადვოკატებს შაქარაშვილის საქმის ახალი მასალები გადაეცათ. ერთ-ერთ ტომშია დაზარალებულის გიორგი ქათამაძის დედის ჩვენება:
„გიორგის თქმით, მათთან მეორე მანქანა მივიდა. ახალგაზრდებმა იფიქრეს, რომ მანქანის მგზავრები მათთან საჩხუბრად იყვნენ მისულები და გაიქცნენ. კერძოდ, ვახო და კიდევ ორი ბიჭი, რომელთაგან ერთ-ერთი გიორგი შაქარაშვილი იყო. გიორგის წინ მირბოდნენ, რადგან გიორგის სირბილის თავი აღარ ჰქონდა და ბუჩქებში ჩაიმალა. „ქემრის“ მგზავრები უყვიროდნენ: მიდით ბოლომდე ირბინეთ, ბოლომდე უნდა გსდიოთო. მას შემდეგ ვახო ახვლედიანი დაუკავშირდა ჩემს შვილს და ვიღაცის მანქანით ერთად წამოვიდნენ თბილისში“
კომენტარები