“კორონავირუსი სიმპტომების გამოვლენამდეც გადამდებია” – ჩინეთის ჯანდაცვის მინისტრი

ჩინეთის ჯანდაცვის მინისტრის, მა სიაოვეის განცხადებით, ახალი კორონავირუსი შეიძლება ერთმა ადამიანმა მეორეს ისე გადასდოს, სანამ დაავადების სიმპტომებს თავად აღმოაჩენს. ინფორმაციას ამის შესახებ CNN ავრცელებს.

როგორც აშშ-ის დაავადებთა კონტროლის და პრევენციის მრჩეველი, უილიამ შრაფნერი CNN-თან საუბარში აცხადებს, ამ შემთხვევაში ვირუსის დამარცხება გართულდება — რადგანაც დაავადებულთა გამოვლენა შეიძლება დაგვიანდეს, რამეთუ მათ სიმპტომების არგამოჩენის გამო არ ეცოდინებათ, რომ ვირუსი აქვთ.