“ნახეთ, რომელი წლიდან ვმუშაობ “ოცნებასთან” – რას წერს რიტა ზურაბაშვილი

თამარ ბაჩალიაშვილის ბებია, რიტა ზურაბაშვილი, სოციალურ ქსელში წერს:

“არავისთან ვაპირებ პოლემიკაში შესვლას, მაგრამ არ შემიძლია უპასუხოდ დავტოვო tv პირველზე გასული სიუჟეტი..

თუ ასე კარგად შეგიძლიათ გამოძიება, თავი დაანებეთ დეზინფორმაციის გავრცელებას. მარტივად შეგიძლიათ მოიპოვოთ ინფორმაცია, რომელი წლიდან ვმუშაობ ქართულ ოცნებასთან და რომელი წლიდან ვარ კომისიაში.

რომელ დაწინაურებაზეა საუბარი, როცა საპრეზიდენტო არჩევნების დროს საარჩევნო კომისიის თავმჯდომარის მოადგილე ვიყავი და ახლა რიგითი წევრი ვარ.

სიცრუეზე აგებულ ტელევიზიას ობიექტურობაზე პრეტენზია არ უნდა ჰქონდეს.. სირცხვილია სხვისი უბედურების გამოყენება რეიტინგისთვის.”