“ხელისუფლება 200 ლარიან დახმარებებს გააგრძელებს და ახალი პაკეტიც იქნება”

საქართველოს ბიზნეს-ასოციაციის პრეზიდენტი სოსო ფხაკაძე აცხადებს, რომ ხელისუფლება სავარაუდოდ, 200-ლარიანი დახმარების გაცემას გააგრძელებს. ამის შესახებ მან ბიზნეს სექტორის წარმომადგენლებისა და პრემიერ-მინისტრის შეხვედრის შემდეგ ჟურნალისტებს განუცხადა.

„თუ სწორად მახსოვს, 200-ლარიან დახმარებებთან დაკავშირებით პრემიერმა აღნიშნა, რომ ეს გაგრძელდება, მაგრამ მეტი კონკრეტიკა არ ყოფილა. თუმცა, როგორც ჩვენ გავიგეთ, ხელისუფლება აპირებს არა მარტო ამ დახმარების გაგრძელებას, არამედ მთელი ახალი ღონისძიებების პაკეტი იქნება. ჩვენ კარგად გვესმის, რომ პანდემია არსად წასულა, განგრძობითი ხასიათი აქვს და გრძელდება, ამიტომ დარწმუნებულები ვართ, რომ გარკვეული ნაბიჯების გადადგმა მოუწევს ხელისუფლებას და მე ვფიქრობ, რომ ეს ძალიან რაციონალური და სწორია“