მაცივარში შეიხედეთ, შუქი გადაჭერით, გაზიც გამორთეთ – იქეთ უხდით ოკუპანტს ფულს – ვალერიან ხაბურძანია

უშიშროების ყოფილი მინისტრი, ვალერიან ხაბურძანია, სოციალურ ქსელში, წერს:

“ნინო ანანიაშვილს ზოგი ნოვოსიბირსკის დონებს უწუნებს (მაგარი ქალაქია, თავად ვყოფილვარ, უმშვენიერესი თეატრით), ზოგიც ზოგადად “ოკუპანტთან” ცეკვას. ანანიაშვილს რუსები ფულს გადაუხდიან და ანანიაშვილის ვენახებს მოახმარს, ალბათ და მოქოთქოთეებმა მაცივარში შეიხედეთ, შუქი გადაჭერით, გაზიც გამორთეთ (დაუწიეთ მაინც) და ბევრი სხვაც კიდე. იქეთ უხდით იმ ოკუპანტს ფულს და თქვენ ხელში დაკავებული ლოგიკის წიგნი დავხიე მე. ნუ ანანიაშვილის რეალისტობა ზოგადად სასარგებლოა და მისთვისაც კერძოდ, პრინციპები კი არც თქვენ გაგაჩნიათ, მაგინებელ-მოქილიკე გიჟ-ვრაცებო, რა გამახსენა მიკირტუმ გასპარიჩ ტრდატოვი?”