“ბრიუსელის გადაწყვეტილებით, ევროკავშირთან ურთიერთობა განადგურებულია” – ლავროვი

რუსეთის საგარეო საქმეთა მინისტრი სერგეი ლავროვი აცხადებს, რომ მოსკოვს ევროკავშირთან ურთიერთობები არ აქვს და ამაში ევროპულ გაერთიანებას ადანაშაულებს.

“ბრიუსელის ცალმხრივი გადაწყვეტილებით, ამ ურთიერთობათა მთელი ინფრასტრუქტურა განადგურებულია. თუ ისინი გადაწყვეტენ, რომ ეს ანომალია გააუქმონ და თავის უმსხვილეს მეზობელთან თანასწორუფლებიანი ურთიერთობები აღადგინონ. ჩვენ მზად ვართ. თუმცა, ჩვენ გვაქვს ორმხრივი, კარგი, ურთიერთსასარგებლო ურთიერთობები ევროკავშირის ცალკეულ ქვეყნებთან,” – აცხადებს მინისტრი.