“ამდენ ძაღლს ზოოპარკში ვერ დავიტოვებთ… თავშესაფრისთვის მოგვიწევს გადაცემა” – თბილისის ზოოპარკი

თბილისის ზოოპარკი, ავრცელებს ფოტოებს და წერს:

“ახალი წლის ღამეს, პიროტექნიკის ბათქა-ბუთქი რომ ატყდა, ზოოპარკში დაფეთებული ორსული ძაღლი შემოვარდა. გარეთ რა გულით გავაბრძანებდით იმხელა მუცლიანს… შევიფარეთ, რაღას ვიზამდით. ცოტა ხანში შვიდი ლეკვი გააჩინა. მთლად ოქროსქოჩრიანები ვერა, მაგრამ ზოგი ქერა, ზოგიც შავი, ზოგიც ყავისფერიაო. ძალიან ყოჩაღი გოგო-ბიჭები არიან, ცნობისმოყვარეები.