ინფექციური საავადმყოფოში მყოფ არც საქართველოსა და არც ჩინეთის მოქალაქეს კორონავირუსი არ დაუდგინდა. მედიკოსებმა ლუგარის ლაბორატორიის კვლევა გვიან ღამით მიიღეს.
დიდი ალბათობით, ჩინეთის მოქალაქეს B ტიპის ვირუსი აქვს. ის საქართველოში ყაზახეთიდან შემოვიდა, ასევე, იყო გუდაურსა და ბაკურიანში.
“ბოქსირებულ განყოფილებაში რჩება ორი პაციენტი, ერთი ახალგაზრდა ქართველი ქალბატონი და მეორე ასევე ახალგაზრდა ჩინელი მამაკაცი. რენტგენოლოგიური გამოკვლევით, პნევმონია არცერთ მათგანს არ დაუდასტურდა. ქალბატონის მდგომარეობა დამაკმაყოფილებელია. ჩვენთან ჩატარებული გამოკვლევებით ჩინელ მამაკაცს B ტიპის გრიპი აქვს. ვინაიდან, მისი ხახის ნარცხის გამოკვლევით მივიღეთ სუსტი, მაგრამ მაინც დადებითი რეაქცია B ტიპის ვირუსზე,” – განაცხადა ინფექციური პათოლოგიის, შიდსისა და კლინიკური იმუნოლოგიის ცენტრის გენერალურმა დირექტორმა, თენგიზ ცერცვაძემ.
კომენტარები