“არც პოლიტიკოსი ხარ და არც არაფერი, სირცხვილია, ღირსების ამბავია” – კობახიძე ჩუგოშვილს

საკონსტიტუციო სასამართლოს სხდომაზე, სადაც პრეზიდენტის იმპიჩმენტის საკითხს განიხილავენ, პრეზიდენტის წარმომადგენელმა, თამარ ჩუგოშვილმა განაცხადა, რომ უკვე 3 საათია ირაკლი კობახიძის დემაგოგიას და ლექციებს ისმენენ და იკითხა, მიეცემოდა თუ არა საშუალება, პრეზიდენტის წარმომადგენლებს, ასევე ესაუბრათ და დროს აკონტროლებს, თუ არა სასამართლო. თამარ ჩუგოშვილს, ირაკლი კობახიძემ უპასუხა:

–პოლიტიკოსი რომ იყო, კიდევ გეპატიება, არც პოლიტიკოსი ხარ და არც არაფერი. საკონსტიტუციო კომისიის მდივანი იყავით და ერთ სამუშაო შეხვედრას არ დასწრებიხართ, სირცხვილია, ღირსების ამბავია.

–ღირსების ამბავია ნამდვილად თქვენი ეს საქციელი, – უთხრა ჩუგოშვილმა კობახიძეს.

საკონსტიტუციო სასამართლოს თავმჯდომარე დაპირდა პრეზიდენტის წარმომადგენლებს, რომ მათ ექნებათ შესაბამისი დრო სასაუბროდ.