“ბოდიში, ასე არ გამოვა, მეც ვხნი ჩემ წიგნს” – “ლიტერას” ეკა ქევანიშვილიც ტოვებს

ლიტერატურულ კონკურს “ლიტერას” კიდევ ერთი კონკურსანტი უცხადებს პროტესტს – ეკა ქევანიშვილი წერს:

“ბოდიში. ასე არ გამოვა.

4 შერჩეული, მააგრამ ერთი “ზემოდან” დანიშნული ჟიურის წევრი. ძალიან უსიამოვნოა და საშიში.

ბოლომდე ვიკავე თავი რამდენიმე არგუმენტით. “ლიტერას” გულშემატკივრობით. მაგრამ არა. მეც ვხსნი კონკურსიდან ჩემს წიგნს.”

შეგახსენებთ, წელს პირველად ჟიურის 5 წევრიდან  4 წევრი მწერალთა სახლმა შეარჩია, ხოლო მეხუთე – საქართველოს კულტურის, სპორტისა და ახალგაზრდობის მინისტრის N00007864 ბრძანების – „საქართველოს კულტურის, სპორტისა და ახალგაზრდობის სამინისტროს მიერ კულტურის სფეროში განსახორციელებელი ღონისძიებების/პროექტების ხელშეწყობის პირობების და დაფინანსების წესის შესახებ“ – დანართის მე-5 მუხლის მე-4 პუნქტის თანახმად, წარმოადგინა საქართველოს კულტურის, სპორტისა და ახალგაზრდობის სამინისტრომ.

წლევანდელი ლიტერატურული პრემია „ლიტერას“ ჟიურის შემადგენლობა ასეთია:

1. ბელა წიფურია – ლიტერატურათმცოდნე
2. რეზო თაბუკაშვილი – მწერალი
3. ლელა კოდალაშვილი – მწერალი,  კრიტიკოსი
4. ოქტაი ქაზუმოვი – ლიტერატურათმცოდნე, მთარგმნელი
5. იოსებ ჭუმბურიძე – პუბლიცისტი