“ბომბივით არის, აჩქარებს პროცესს” – გიორგი ფხაკაძე

საზოგადოებრივი ჯანდცვის ექსპერტი, პროფესორი გიორგი ფხაკაძე პოსტკოვიდურ გართულებებზე საუბრობს. 

მისი თქმით, იმ ადამიანებს, რომლებმაც კორონავირუსი გადაიტანეს, ჯანმრთელობის არაერთი პრობლემა შეექმნათ.

პროფესორი საზოგადოებას ვაქცინაციისკენ მოუწოდებს.

“კვლევებით დამტკიცდა, რომ კოვიდგადატანილებში ტვინიც ზიანდება.  მოკლედ, ვერ არის კარგად საქმე იმ ადამიანის, ვინც კოვიდი გადაიტანა. 

არ დაგეწყოთ თმის ცვენა ვინც გადაიტანეთ კოვიდი? 

სმენის დაქვეითება – გადახედეთ ახლობლებში, მეგობრებში. 

მხედველობის დაქვეითება, არ შეამჩნიეთ რომ კარგავთ მხედველობას? – ესეც პოსტკოვიდია.

ღვიძლის ფუნქციების დარღვევა, ნუ დიაბეტზე ლაპარაკი ზედმეტია, დიაბეტის მეორე ტიპი თითქმის 60 პროცენტს აღმოაჩნდა, ვინც გადაიტანა რთულად. 6-7 თვეში მათ დიაბეტი დაემართათ. კოვიდი პატარა ბომბივით არის, აჩქარებს პროცესს. 

არავინ ამბობს, რომ ვაქცინა გადასარევია, მაგრამ გეხმარებათ, რომ ეს ყველაფერი არ დაგემართოთ, ისიც 100%-ით ვერ დაგიცავთ”, – ამბობს გიორგი ფხაკაძე ვიდეოჩართვაში.