“ჩააბარეთ ხურვალეთი რუსებს?” – ლუდა სალიას თქმით, ხურვალეთიდან სასწრაფო დახმარების ნომერზე რუსულად უპასუხეს “ცხინვალიდან”

სოფელ ხურვალეთში, საოკუპაციო ხაზთან მცხოვრები, ხანდაზმულთა სახლის ,,სახლი საზღვრებს გარეშე” დამფუძნებელი, ლუდა სალია, სოციალურ ქსელში, წერს:

დღეს დილით ხურვალეთის ხანდაზმულთა სახლს დაჭირდა სასწრაფოს გამოძახება და ცხინვალის სასწრაფო დახმარება პასუხობდა რა ხდება, ჩააბარეთ ხურვალეთი რუსებს??

კომენტარებში მას ეკითხებიან, ხომ ნამდვილად 112–ზე დარეკა და პასუხობს:

დიახ, რუსულად გპასუხოვენ და რომ ეკითხები რატომ მელაპარაკები რუსულადო, ცხინვალუს სასწრაფოში რეკავო, გვპასუხობს.

კომენტარებში წერენ, რომ მსგავსი მოხდა სოფელ ტახისძირშიც და იქაც, სასწრაფოს ნომერზე, ოკუპირებული ცხინვალიდან, რუსულ ენაზე უპასუხეს.