“ჩამოძონძილი და ლოყებჩამოხოკილი არავის უნდიხარ – ძლიერად უნდა ვიდგე” – ლალი ბადურაშვილის ბოლო ინტერვიუ

გასული წლის 6 დეკემბერს ქალბატონმა ლალიმ ერთ-ერთი ბოლო ინტერვიუ პრაიმტაიმს მისცა.

81 წლის მსახიობი, რომელიც შვილის გარდაცვალების შემდეგ, პერიოდულად, ძალიან ცუდად იყო.

ლალი ბადურაშვილი: 

„ყველაფერი ისე მიდის, როგორც ღმერთს სურს. რახან ამ მდგომარეობაში აღმოვჩნდი, მოსაბეზრებელი რომ არ გავხდე, ძლიერად უნდა ვიდგე. ჩამოძონძილი და ლოყებჩამოხოკილი არავის უნდიხარ, არც შინაურს, არც გარეულს. ამხელა ტრაგედიის შემდეგ, შვილის სიკვდილს ვგულისხმობ, ან ყველაფერს უნდა განერიდო და სადმე ტყისპირას იცხოვრო მხოლოდ შენთვის (იქ თუ გინდა საფლავიც გაითხარე), ან თუ რჩები, ფეხი უნდა აუწყო ცხოვრებას და სხვასაც სარგებელი მისცე. მე რომ მარიკა კვალიაშვილს და გულიკო ჩაფიძეს ვუყურებ, მათ ფონზე ხმა არ მაქვს ამოსაღები, ისეთი ტრაგედიები აქვთ გადატანილი. ენა როგორ მომიბრუნდება, საკუთარ ტრაგედიაზე დავიწუწუნო.”