ჩეხეთმა უკრაინას 8,5 მილიონ ევრო გამოუყო – “რუსეთს სურს, დატოვოს უკრაინა სიბნელესა და სიცივეში, ამას არ დავუშვებთ”

ჩეხეთი უკრაინას “ცივი ზამთრის გადასალახად” ფინანსურად დაეხმარება და 8,5 მილიონ ევროს  გამოუყოფს.

ჩეხეთის პრემიერმინისტრმა პეტრ ფიალამ, პარიზში გამართულ საერთაშორისო კონფერენციაზე „სოლიდარობა უკრაინელ ხალხს“ განაცხადა:

„რუსეთს სურს, დატოვოს უკრაინა სიბნელესა და სიცივეში და ჩვენ ამას არ დავუშვებთ. ჩეხეთი ახლა აწვდის გენერატორებსა და გამათბობლებს ხარკოვის რეგიონს, დნეპრს, კიევს, სკოლებსა და საავადმყოფოებს. ეს 5 მილიონი ევროს ღირებულებისაა. ადამიანებს ექნებათ სინათლე და სითბო გათიშვის დროს.”