ჟურნალისტი, არჩილ გამზარდია:
ჩინური ენის შესაძლო სწავლების შესახებ. საჯარო სკოლებში დღეს ისწავლება ორი უცხო ენა: პირველი (სავალდებულო) – ინგლისური ენა და მეორე (არჩევითი) ენები – რუსული, ფრანგული ან ზოგან გერმანული.
მეორე ენების სტილისტიკა საბჭოთა დროინდელია და რაც უფრო გაჯერდება არჩევითი ენების მრავალფეროვნება, მით უკეთესია ჩვენი შვილებისთვის, ამიტომ ჩინური ენის მეორე ენად შემოტანის პერსპექტივას მე დადებითად აღვიქვამ, ეს უფრო მორგებულია თანამედროვე გამოწვევებზე, ვიდრე რუსული ან ფრანგული.გაისმა ვერსია, რომ ჩინური ჩაანაცვლებს ინგლისურს, მაგრამ ამჟამინდელი მოცემულობით ჩინური ხდება არა ინგლისურის, არამედ რუსულის, ფრანგულის ან გერმანული ენებისა.ჩემი შვილების სასკოლო არჩევანში მეორე ენებად იყო რუსული ან ფრანგული და ჩინურის შესაძლებლობაც რომ ყოფილიყო, მე ამ უკანასკნელის არჩევაზე გავუწევდი რეკომენდაციას შვილებს.
აქ პრობლემას უფრო ჩინურის სპეციალისტების რაოდენობაში ვხედავ, რომლის ორგანულად ჩართვას მცირე დრო არ დასჭირდება, თორემ რაც უფრო დროულად გაჩნდება ჩინურის, როგორც მეორე არჩევითი უცხო ენის შესაძლებლობა, მით უფრო უკეთესი იქნება.
კომენტარები