დღეს ტოკიოს ოლიმპიადა სრულდება – რა შედეგი აჩვენა საქართველომ

დღეს იაპონიაში ოლიმპიური თამაშების ბოლო დღეა. საქართველომ ტოკიოში უკვე სპორტის 11-ვე სახეობაში იასპარეზა და საბოლოო შედეგიც ცნობილია.

ისტორიაში პირველად, ქართულმა წარმომადგენლობამ ოლიმპიადაზე 8 მედალი მოიპოვა და ქვეყანა 30 საუკეთესოს შორისაა.

საქართველოს ანგარიშზე 2 ოქრო, 5 ვერცხლი და ერთი ბრინჯაოა.

ოქრო – ლაშა ბექაური, ლაშა ტალახაძე;

ვერცხლი – ვაჟა მარგველაშვილი, ლაშა შავდათუაშვილი, გურამ თუშიშვილი, იაკობ ქაჯაია, გენო პეტრიაშვილი;

ბრინჯაო – ანტონ პლესნოი.

ოლიმპიადის დღევანდელი გამომსვლელები იხილეთ ამ ბმულზე.

ოლიმპიურ თამაშებზე საქართველო 35 სპორტსმენით ასპარეზობდა სპორტის 11 სახეობაში. ოლიმპიადა 23 ივლისიდან იმართება.

საქართველოს პრემიერ-მინისტრის, ირაკლი ღარიბაშვილის განცხადებით, სპორტსმენი, რომელიც ოლიმპიური ჩემპიონის ტიტულს მოიპოვებდა, ერთ მილიონ ლარს მიიღებდა.