“ეს რუსი “კაგებეშნიკის” ოჯახში გაზრდილი კობახიძე დასაკავებელია… დღეს კრემლმა უკან დაიხია” – ხაბეიშვილი

„ერთიანი ნაციონალური მოძრაობის“ თავმჯდომარემ, ლევან ხაბეიშვილი, რომელმაც დღეს მორიგი შეხვედრა გამართა პენსიონრებთან, ამჯერად, მარტვილში, და შეხვედრამ დაპირისპირების გარეშე ჩაიარა, აცხადებს:

“ასე იცის ბევრმა ბაქი-ბუქმა. ეს რუსი “კაგებეშნიკის” ოჯახში გაზრდილი კობახიძე იყო მთავარი ორგანიზატორი კასპშიც და საგარეჯოშიც. თუ ვინმე დასაკითხი და დასაკავებელია არის, მათ ენაზე რომ ვთქვა, ეს არის ნაგლი კობახიძე, ლილუაშვილი და ღარიბაშვილი. დღეს ვხედავთ, რომ კრემლმა უკან დაიხია, რაღაცნაირად შეშინდნენ. მარტვილშიც ჩავატარებთ შეხვედრას, იმერეთშიც, დედაქალაქში, სხვადასხვა მუნიციპალიტეტებში, ქალაქებში. ცხადია ეს ასე იქნება. ეს ქვის სროლა იყო მოკლემეტრაჟიანი რუსული ოცნება, რომ ვინმე შეშინდებოდა და თურმე მოსახლეობას აღარ შევხვდებოდით. სხვათა შორის მოგვიწია ბანერის გაკეთება, რომ ქვის სროლით პენსიები არ იზრდება. შესაბამისად, ჩვენ გავაგრძელებთ ბრძოლას, რომ 60 წლამდე დაიწიოს საპენსიო ასაკმა და მეორე, ის სესხები, რომლებიც აქვთ 358 000 პენსიონერს, უნდა გაუნულდეთ. ყველა ქალაქში ჩავალთ, ყველა მუნიციპალიტეტში, დავპირდებით მოსახლეობას, რუსულ პარტიას გავაცილებთ პოლიტიკური ველიდან და აუცილებლად შევასრულებთ მერე ამ დაპირებებს.”