“გამომიშვეს, მაგრამ რაზე დამიჭირეს ვერ გავიგე” – გელა ხასაია

სამოქალაქო აქტივისტის, გელა ხასაიას 48-საათიანი პატიმრობა დასრულებულია – იგი წინასწარი მოთავსების იზოლატორიდან დროებით, ხელწერილის საფუძველზე გაათავისუფლეს. მას  გომელაურის უწყება პოლიციიის დაუმორჩილებლობას ედავება.

ვერ გავიგე, რატომ ვიყავი დაკავებული, და რისთვის ვიყავი 48 საათი წინასწარი მოთავსების იზოლატორში, ვერც ის გავიგე, რატომ მიმიყვანეს 2 საათით ადრე საქალაქოში. შემდეგ მითხრეს, რომ ჩემი პატიმრობის ვადა ამოიწურა და უნდა გავსულიყავით ეზოში, ეზოში ასევე ველოდებოდით ხელწერილის ფურცელს, რომელიც პოლიციელებს თან არ ჰქონდათ. შემდეგ მითხრეს მიზეზი, რომ ჩემი დამკავებელი პოლიციელი შეუძლოდაა და ამიტომ, სასამართლო პროცესი ვერ ტარდება.

ერთ-ერთმა პოლიციელმა, დაკავებისას, სახელით მომმართა, ბატონო გელა, თუ შეიძლება გაჩერდითო, ვინაიდან, მან ჩემი სახელი იცოდა, შეუძლებელი იყო ვერ მოეხდინა ჩემი იდენტიფიცირება, შესაბამისად, ეგ არის მიზეზი, რომ უკანონოდ დაკავება გაამართლონ, თორე ძალიან კარგადაც იცოდნენ, ვინც ვიყავი, -ამბობს ხასაია.