“კეზერაშვილი ცდილობს მორიგ გაიძვერობას და იყენებს გახარიას” – გია აბაშიძე

გუშინდელ ტელეინტერვიუში, პარლამენტის თავმჯდომარემ, შალვა პაპუაშვილმა სავსებით ლოგიკური მოსაზრებები გამოთქვა – პოლიტტექნოლოგიურად მმართველ პარტიას აწყობს, რომ სააშკარაოზე გამოვიდეს მძარცველი კეზერაშვილის ავაზაკობა. თუმცა, რადგან პოლიტიკურზე უფრო მეტი ინტერესია ის, რომ გამოძიება წარიმართოს ბოლომდე პროფესიონალურად და შეგროვდეს ყველა უტყუარი მტკიცებულება, მანამდე ეს ყველაფერი არ უნდა გახმაურდეს პარლამენტში.

ძებნილი ოლიგარქი კეზერაშვილი ცდილობს მორიგ გაიძვერობას და იყენებს გახარიას, რომ დააინიციროს საპარლამენტო საგამოძიებო კომისია. თუმცა, გაქცეული კეზერაშვილის პოლიტიკური ალღო რომ ლევან ხაბეიშვილის ერუდიციაზე უფრო დაბლაა, ეს არაერთხელ დავინახეთ.”