“ხალხის ენერგიას პერო ვერ დაუდგება წინ” – სააკაშვილი გაბუნიას პასუხობს

საქართველოს ექს-პრეზიდენტი, მიხეილ სააკაშვილი გადაცემა „პოსტფაქტუმში“ გიორგი გაბუნიას მონოლოგს სოციალურ ქსელში ეხმაურება და წერს:

„ელიტურობაზე პრეტენზიის მქონე ადამიანთა ჯგუფი დროა მიხვდეს, რომ არაფრით არ დგას ქართველ ხალხზე მაღლა და ვინ უნდა მოვიდეს და ვინ არა ამას წყვეტს ქართველი ხალხი და არა რომელიმე ივანიშვილის სასარგებლო იდიოტი ან სხვა ცალკე აღებული ცნობადი სახე. თუნდაც ნიჭიერი ჟურნალისტობა არ გაძლევს უფლებას ქართველ ხალხს მოახვიო შენი აზრი. მას აქვს უფლება გამოთქვას ყველანაირი აზრი და ხალხს ზუსტად ასევე აქვს უფლება ეს აზრი გაატაროს. Edison research-ის გამოკითხვაში ხალხის 60%-მა გაბედა და თქვა, რომ სურს ჩემი დაბრუნება საქართველოში-ერთპიროვნულიმმართველი მე არც არასდროს ვყოფილვარ და არც ვაპირებ რომ როდესმე ვიყო. და დაიმახსოვრეთ-ხალხის ენერგიას ვერანაირი პერო ვერ დაუდგება წინ. That’s how f-n democracy functions stupid! [ასე მუშაობს ეს დედამ******* დემოკრატია, სულელო] და ისე გილოცავთ ნათლისღებას!“,