ხაზარაძე უწოდებდა გახარიას „თვალთხარიას“, გახარია ხაზარაძეს – „თაღლითს“, როდესაც ორი ასეთი პოლიტიკოსი ერთიანდება, ეს ნიშნავს იმას, რომ მათ აქვთ ნული დამოუკიდებლობა – კობახიძე

ხაზარაძისა და გახარიას გაერთიანებას  აქვს ერთადერთი მიზეზი, ეს არის ის, რომ ორივე პარტიას უჭირს ბარიერის გადალახვა, – ამის შესახებ საქართველოს პრემიერ-მინისტრმა ირაკლი კობახიძემ მთავრობის ადმინისტრაციაში გამართულ პრესკონფერენციაზე განაცხადა:

„ეს არის ერთადერთი მიზეზი, რატომაც ვიღაცამ გარედან შეიძლება ერთმანეთს გაუერთიანოს ორი პოლიტიკოსი, რომლებიც ერთმანეთს უწოდებდა, შეგახსენებთ, თაღლითს და თვალთხარიას. ხაზარაძე უწოდებდა გახარიას თვალთხარიას, გახარია უწოდებდა ხაზარაძეს თაღლითს. როდესაც ორი ასეთი პოლიტიკოსი ერთიანდება, ეს ნიშნავს იმას, რომ მათ აქვთ ნული დამოუკიდებლობდა. რასაც გარედან ეტყვიან, თავში რასაც ჩაუკაკუნებენ, ჟარგონზე რომ ვთქვათ, იმას აკეთებენ. ეს არის აბსოლუტურად შეურაცხმყოფელი ქართული საზოგადოებისთვის“