კორონავირუსის საფრთხის გამო ოპოზიცია 4 აპრილს დაგეგმილი აქციის გადადებას განიხილავს

კორონავირუსის გავრცელების გამო ოპოზიცია 4 აპრილს ჩანიშნულ მასშტაბურ აქციის გადადებას განიხილავს.

სერგი კაპანაძემ ჟურნალისტებს უთხრა, რომ ამ თემაზე გადაწყვეტილებას იმის მიხედვით მიიღებენ, თუ რა მდგომარეობა იქნება საქართველოში.

“რადგან უკვე მსოფლიო ჯანდაცვის ორგანიზაციამაც აწია საფრთხის დონე, საუბარია იმაზე, რომ მასობრივი ღონისძიებების ჩატარება არ არის მიზანშეწონილი გავრცელების გამო ჩვენ ესეთი გადაწყვეტილება მივიღეთ, რომ თუ ქვეყანაში კორონავირუსის კუთხით მდგომარეობა დამძიმდა ან არ მოხდა დასტაბილურება, გაუმჯობესება, თუ ესეთი რეალობა არის მაშინ შეიძლება განვიხილოთ 4 აპრილის აქციის გადადება”