+18 – “ლა­ზა­რეს ვუთხარი, ცუდი კო­მენ­ტა­რე­ბი მოჰ­ყვეს შეიძლება და ამის­თვის მზად თუ ხარ-თქო, მი­პა­სუ­ხა, მინ­დაო, თვი­თონ გა­და­წყვი­ტა ასე” – კოტე ზარნაძე

გლდანის მაჟორიტარი დეპუტატი, კონსტანტინე ზარნაძე, რომელიც, მედიაში გავრცელებული ინფორმაციის თანახმად, ვაკის პარკის ტრაგედიისას გადარჩენილი მოზარდის, ლაზარე ლობჟანიძის ოჯახის მეგობარია, “ამბები.ჯი”-თან ამბობს:

“კა­ხის აქამ­დეც ჰქონ­და ლა­ზა­რეს­თან ურ­თი­ერ­თო­ბა (ძვე­ლი ფო­ტო­ე­ბიც არ­სე­ბობს), ერ­თმა­ნე­თის­თვის უცხო­ნი არ იყ­ვნენ. მათი შეხ­ვედ­რის ინი­ცი­ა­ტი­ვა კი მე მე­კუთ­ვნის. კა­ხიმ მი­თხრა, უხერ­ხუ­ლი ხომ არ არის მის­ვლაო, მაგ­რამ რად­გან ბავ­შვს უნ­დო­და ძა­ლი­ან მას­თან შეხ­ვედ­რა, კა­ხის ვუ­თხა­რი, ლა­ზა­რეს ძა­ლი­ან გა­ა­ხა­რებ-თქო.

ჩვენ­თვის უფრო მნიშ­ვნე­ლო­ვა­ნია ბავ­შვმა გა­ი­ხა­როს, ვიდ­რე ის, ვინ რა კო­მენ­ტარს და­წერს. კა­ხიმ მკი­თხა, რა ავუ­ტა­ნოო, ვუ­თხა­რი, ვკი­თხავ, რა გა­უ­ხარ­დე­ბა და გე­ტყვი-თქო. ბავ­შვმა მი­თხრა, ყვე­ლა­ზე მე­ტად მა­ი­სუ­რი და ბურ­თი გა­მი­ხარ­დე­ბაო (კა­ხიმ ად­რეც აჩუ­ქა მისი ხელ­მო­წე­რით ბურ­თი), ეს იყო და ეს. ფო­ტო­ებს რაც შე­ე­ხე­ბა, თვი­თონ ბავ­შვმა დადო მის “ფე­ის­ბუკ” გვერ­დზე.

ვუ­თხა­რი, ლა­ზა­რე, იცო­დე, რომ ამას შე­იძ­ლე­ბა ცუდი კო­მენ­ტა­რე­ბი მოჰ­ყვეს და ამის­თვის მზად თუ ხარ-თქო. მი­პა­სუ­ხა, მინ­და და­დე­ბა და არ მა­ინ­ტე­რე­სებს, ვინ რას და­წერ­სო, თვი­თონ გა­და­წყვი­ტა ასე. ლა­ზა­რეს მამა გი­ორ­გი იგი­ვე ჩემი ძმაა, ჩვენ არა მარ­ტო ვმე­გობ­რობთ, ლა­მის ერ­თად ვცხოვ­რობთ, ჩვე­ნი შვი­ლე­ბი ერ­თად იზ­რდე­ბი­ან. გი­ორ­გი ლობ­ჟა­ნი­ძე ჩემი ბი­უ­როს თა­ნამ­შრო­მე­ლი­ცაა.

ლა­ზა­რე კი, ჩათ­ვა­ლეთ, იგი­ვე ჩემი შვი­ლია. ბავ­შვმა რად­გან მთხო­ვა, თხოვ­ნა შე­ვუს­რუ­ლე. კახი როცა ჩემ­თან მო­დი­ო­და, ლა­ზა­რე სულ ერ­თობ­ლი­ვი ფო­ტოს გა­და­ღე­ბას სთხოვ­და. ვი­ცო­დი, ძა­ლი­ან გა­უ­ხარ­დე­ბო­და და სა­ერ­თოდ არ მა­ინ­ტე­რე­სებ­და, ამ ფაქტს ვინ რა ინ­ტერპრე­ტა­ცი­ას მის­ცემ­და. ამ­ხე­ლა სტრე­სის შემ­დეგ, მთა­ვა­რია, ბავ­შვმა გა­ი­ხა­რა. ვი­ცო­დი, ეს ფაქ­ტი კა­ხის­თვის არც ისე­თი მომ­გე­ბი­ა­ნი იქ­ნე­ბო­და (პი­ა­რუ­ლი თვალ­საზ­რი­სით), ერთი ამ­ბა­ვი ატყდე­ბო­და, და რაც უფრო ნაკ­ლე­ბად გა­მოჩ­ნდე­ბა, მით უკე­თე­სია.

მისი მხრი­დან ვინ­მემ თა­ვის გა­საპ­რა­ვებ­ლად რომ აღიქ­ვას ასე­თი შეხ­ვედ­რე­ბი, ეს ლო­გი­კუ­რია. კახი სულ ამ­ბობ­და, მთა­ვა­რია, გა­დარ­ჩე­ნი­ლი ბავ­შვე­ბი იყ­ვნენ კარ­გა­დო. სამი ღამე არ მე­ძი­ნა, სა­ა­ვად­მყო­ფო­ში ვი­ყა­ვი და კახი მუდ­მი­ვად მი­რე­კავ­და, სულ იმას მეხ­ვე­წე­ბო­და, ბავ­შვს არ მო­შორ­დე და თუ რამე დას­ჭირ­და, ეგ­რე­ვე და­მი­რე­კეო, მუდ­მი­ვად გვქონ­და კო­მუ­ნი­კა­ცია. სა­ლა­პა­რა­კოც არაა, რა დღე­შია და რო­გორ ნერ­ვი­უ­ლობს ადა­მი­ა­ნი… თუ დას­ჭირ­დე­ბო­და, ბავ­შვის უცხო­ეთ­ში წაყ­ვა­ნა­ზეც იყო ლა­პა­რა­კი, მაგ­რამ არ დას­ჭირ­და. მე­უბ­ნე­ბო­და, ბავ­შვს თუ რამე დას­ჭირ­და, არა­ფერ­ზე და­ი­ხიო უკან, იცო­დე, რომ ყვე­ლა­ფერ­ზე თა­ნახ­მა ვარო. შეხ­ვედ­რას რაც შე­ე­ხე­ბა, ეს ბავ­შვის სურ­ვი­ლი იყო, გუ­შინ უნდა მო­სუ­ლი­ყო კახი, მაგ­რამ ვერ მო­ა­ხერ­ხა და შეხ­ვედ­რა დღეს შედ­გა.”

კოტე ზარნაძე რამდენიმე დღის წინ მედიასთან აცხადებდა:

“ლაზარეს ცოტა ამოვარდნები აქვს მეხსიერების, არ ახსოვს რაღაცეები, ის მომენტი, რაც იქ მოხდა უშუალოდ, საერთოდ არ ახსოვს და ეს ძალიან კარგია. ვფიქრობთ, ამას რაც უფრო გვიან გაიგებს და ფსიქოლოგებთან ერთად მოხდება ამ ყველაფრის მისთვის მიწოდება, ეს იქნება ყველაზე სწორი ნაბიჯი.”