“მარაშნას წინა ღამეს იმართებოდა ჭეჭეთობა, რომელიც ემსახურებოდა მაზაკვალ-მჩხიბავების, განდევნას” – ბერდია კალანდია

ჟურნალისტი, ბერდია კალანდია, აქვეყნებს ფოტოს და წერს:

“ტრადიცია, რომელიც ერთგვარად 21-ე საუკუნეშიც შემორჩა.

მარიამობას სამეგრელოში “მარაშნა” ჰქვია. სწორედ მარაშნას წინა ღამეს იმართებოდა ჭეჭეთობა (ჭიაკოკონა) – წარმათობის პერიოდის ერთ-ერთი თავისებური გადმონაშთი, წეს-ჩვეულება, რომელიც ემსახურებოდა ავი სულების (მაზაკვალ-მჩხიბავების, ეშმაკების) განდევნას.

მახსოვს, თვეების განმავლობაში მანქანის გაცვეთილი საბურავებს ვაგროვებდით. 28 აგვისტოს დადგომას მოუთმენლად ველოდებოდით.

დიდი თუ პატარა ეიფორიას განიცდიდა. ისმიოდა ყიჟინა, სიცილ-ხარხარი, ვისაც გული ერჩოდა ცეცხლზე გადატხებოდა…

ჭეჭეთობის კულმინაცია ის იყო, რომ ბებიები სანთელს გვაწებებდნენ თმაში, რითაც წლის განმავლობაში, მათი ინფორმაციით, დაცული ვიქნებოდით ეშმაკებისა და ავი გულთვალისაგან.

მეგობრებო, გილოცავთ მარიამობას!”