მინდა გამოირიცხოს ვერსია, თითქოს ჩვენ გვინდოდა პარლამენტში შესვლა და ჯაფარიძეს არა – იაგო ხვიჩია

პარტია “გირჩის” ერთ-ერთმა ლიდერმა იაგო ხვიჩიამ კატეგორიულად უარყო გავრცელებული ხმები იმასთან დაკავშირებით, რომ პარტიაში განხეთქილება პარლამენტში შესვლის საკითხთან დაკავშირებით მოხდა.

“ჩემი, ზურა ჯაფარიძის, ვახო მეგრელიშვილის, სანდრო რაქვიაშვილის საერთო პოზიციაა, თუ ოპოზიცია შედის პარლამენტში, “გირჩიც” შევა, თუ არ შედის – არ შევა. ჩვენ იქ საქმის გასაკეთებლად შევდივართ. მიუხედავად იმისა, ვინ რაზეა გაბრაზებული, იმის გაკეთების სურვილი, რაც გასაკეთებელი იყო, ისევე აქვს ზურაბ ჯაფარიძეს, როგორც იაგო ხვიჩიას და ვახო მეგრელიშვილს. ჩვენ ამ ნაწილში სრული თანამოაზრეები ვიყავით. მე თქვენ კოლეგებს ველაპარაკებოდი, თურმე ჭორი ყოფილა, რომ თითქოს იაგოს ხვიჩიას და ვახო მეგრელიშვილს უნდოდათ პარალამენტში შესვლა და ზურაბ ჯაფარიძეს არა, რაც არასერიოზულია. ჩვენ თანამოაზრეები ვიყავით და ეს მინდა, რომ გამოირიცხოს,”