“მუქთახორები არიან, ფეხბურთელებიდან დაწყებული მწვრთნელებით დამთავრებული – შეუწყდეს დაფინანსება ყველა გუნდს”

ჟურნალისტი, ბექა ქავთარაძე, სოციალურ ქსელში, წერს:

“თბილისი დინამო 0-2 ტირანა.

ტირანა არის გუნდი დინამოსგან განსხვავებით რომელიც 10 წლიანი პაუზის შემდეგ მოხვდა საკვალიფიკაციო ეტაპზე…..

გარდა ამისა ალბანეთის ჩემპიონატი შეჩერებულია, შესაბამისად გუნდი იყო შეუთამაშებელი და საფეხბურთო კონდიციებიდან ამოვარდნილი. დინამო პირიქით, სათამაშო კონდიცებში იყვნენ და საქ. ჩემპიონატიც კარგა ხნის განახლებულია. (იდეაში უკეთეს სათამაშო ფორმაში დინამო იყო)

მუდამ ვწერ ხოლმე, ქართულ კლუბებს და ფეხბურთელებს თავმოყვარეობა არ აქვთ, არც თავიანთი საქმე უყვართ და არც ფეხბურთელები არიან. კაცი რომელსაც 3 მოძრაობა ჭირდება იმისთვის რომ ბურთი დაიმორჩილოს ფეხბურთელი არ ქვია. ასეთი კაცების რაოდენობა კი წინა ათწლეულში არ ვიცი მაგრამ ბოლო წლების ისტორიულ მაქსიმუმზეა ასული. უყურებ როგორ ცოდვილობს ბურთან ურთიერთობისას კაცი და გრჩება შთაბეჭდილება რომ ეს ფეხები მისი არ არის, ან პროთეზია ან ვინმესგან ითხოვა….

კაი როგორც იქნა დაიმორჩილა, ახლა უკვე თავის აწევაა პრობლემა, რომ პასი გააკეთოს. პასის კულტურა და მოდენის ხედვა კიდევ იმდენად გრძელი თემაა რომ არ შევეხები. ყოველივე ამის შემდეგ, რატომ იჩემებენ ქართველი კომენტატორები და ჟურნალისტები რომ ქართველი ფეხბურთელები არიან ხაზგასმით ძალიან ტექნიკურები ვერ ვხდები, შეიძლება რაღაც მიზეზით, რაღაც ლოგიკით, რაღაც არგუმენტით, რაღაც ჩემთვის უცნობი ფაქტით ითვლება ეს ხალხი ტექნიკურად და მე არ ვიცი – ვინც იცით მითხარით. ვინც არგუმენტის გარაშე , ასე ცალფაზიანივით მომვარდება და მეტყვის რომ ქართველი ფეხბურთელები არიან ტექნიკურები სახეში დავარტყამ – ოღონდ მართლა დავარტყამ.

ე.წ ჯიგარი, თავდადება, ღირსება, ბრძოლისუნარიანობა რავიცი სირცხვილის გრძნობა რომ არ გააჩნიათ აქამდეც უნდა მიმხვდარიყავით . (მე კარგა ხანია ამაზე ვწერ) გამოსავალი არის იმაში რომ საქ. ჩემპიონატის დონე როგორმე გაიზარდოს, იმისთვის რომ ეს მოხდეს პირველ რიგში დაფინანსება უნდა შეუწყდეს, მუნიციპალიტეტზე დამოკიდებულ და სახელმწიფოზე ჩამოკიდებულ გუნდებს.

ჩვეულებრივი მუქთახორები არიან, ფეხბურთელებიდან დაწყებული მწვრთნელებით და მთლიანად შტაბით დამთავრებული. რამე შინაარსი აქვთ მათ თამაშს? ოდესმე რამე გაუკეთებიათ? საქართველოს ჩემიპონატში მაინც აკეთებენ რამეს? ყურებადი ჩემპიონატია? ვინმეს აინტერესებს ?

რამე ხეირი გვაქ მოსახლეობას ამ გუნდებისგან ? რა თქმა უნდა არა. იმიტომ რომ გარანტირებული აქვთ ის რაღაცა პატარა ხელფასი და მეტზე არ აქვთ პრეტენზია და არც ვითარდებიან, მე არ მესმის ეს გაურკვეველი ხალხი რატომ უნდა ფინანსდებოდეს ჩემი ჯიბიდან – ოღონდ მართლა არ მესმის .

უნდა შეუწყდეს დაფინასება მუნიციპალიტეტზე ჩამოკიდებულ ყველა გუნდს (ე.წ სახელმწიფო გუნდებს) და მიხედონ თავიანთ თავს, გახდენ კონკურეტნუნარიანები რომ კერძო ბიზნესი დაინტერესდეს და ჩადოს მათში ფული. – საბოლოვო ჯამში კონკურენცია აწევს ჩემპიონატის დონეს და არა ის ჩვენი გადასახადებიდან, ჩვენი ჯიბეებიდან ამოღებული ფული რასაც ყოველწლიურად ვასხავთ და ვასხავთ ამ მუქთახორებს ხახაში.

(ერთი “ამერი” გვახსენდება რომლის არსებობასაც შინაარსი ქონდა)”