“ნიღბებს ვემშვიდობებით და ნორმალურ ცხოვრებას ვუბრუნდებით” – დანიაში პირბადის ტარების ვალდებულება გაუქმდა

ჩვენ ახლა ვიმყოფებით სიტუაციაში, როდესაც ჩვენი საზოგადოების დიდი ნაწილი ვაქცინირებულია და ვუბრუნდებით ჩვეულებრივ ცხოვრებას,” – განაცხადა დანიის ტრანსპორტის მინისტრმა ბენი ენგელბრეხტმა და ისაუბრა მთავრობის გადაწყვეტილებაზე, რომლის მიხედვითაც, ნიღბის ტარების ვალდებულება უქმდება. 

“ჩვენ შეგვიძლია დავემშვიდობოთ ნიღბებს ავტობუსებში, მატარებლებსა და მეტროში.” – თქვა მინისტრმა.

დანიის მოსახლეობის 60 პროცენტზე მეტი უკვე სრულად არის ვაქცინირებული.

პირბადის ტარება კვლავ სავალდებულო იქნება თვითმფრინავებსა და ქვეყნის აეროპორტებში, სადაც საერთაშორისო საჰაერო-სატრანსპორტო წესები მოქმედებს.