ოპოზიცია მოლაპარაკებას წყვეტს და სახალხო დაუმორჩილებლობის რეჟიმზე გადადის

ლეიბორისტული პარტიის“ ლიდერი შალვა ნათელაშვილი „ევროპული საქართველოს“ ლიდერის გიგი უგულავას დაკავების ფაქტზე კომენტარს აკეთებს.

ნათელაშვილი აცხადებს, რომ ოპოზიციური სპექტრი ყველანაირ მოილაპარაკებას წყვეტს და სახალხო დაუმორჩილებლობის ტალღის მომზადებისთვის იწყებს მზადებას.

„მივმართავ სრულიად საქართველოს. პირსისხლიანმა დიქტატორმა გადალახა წითელი ხაზები და მესამედ დააპატიმრა ოპოზიციის თვალსაჩინო ლიდერი, ბატონი გიგი უგულავა. ეს არის ყველაზე და ყველაფერზე დაფურთხება. ამას არ აკეთებდნენ ყველაზე სისხლიანი დიქტატორები კაცობრიობის ისტორიაში. ოპოზიციას, რომელიც აქ ვიკრიბებით და რომელიც ვართ საქართველოს ოპოზიცია, არ დაგვრჩა სხვა გზა გარდა იმისა, რომ შევწყვიტოთ ყოველგვარი მოლაპარაკებები. გადავდივართ სახალხო დაუმორჩილებლობის რეჟიმზე. ივანიშვილს ელოდება სამსჯავრო და ეს სამსჯავრო მიაკითხავს საკუთარ სასახლეში. მოემზადოს რეჟიმი, რომ მას უახლოვდება ხალხის მრისხანება და მას უახლოვდება პოლიტიკიდან სამუდამო გასტუმრება”