“ფურცხვანიძეს არ უთქვამს დამნაშავე ვარო, თქვენ თვლით რომ რამეში დამნაშავეა?” – ადვოკატი

ფოტო – ტვ პირველი

კომპანია “გრინსერვის პლუსის” დირექტორის, ლაშა ფურცხვანიძის, რომელმაც განაცხადა, რომ თავის თავზე იღებს პასუხისმგებლობას, ადვოკატმა, ტარიელ კიკნაძე, ჟურნალისტებთან განაცხადა:

“პასუხისმგებლობას  გრძნობს, მაგრამ მას არ უთქვამს, რომ მე დამნაშავე ვარო”

ადვოკატი ლაშა ფურცხვანიძისთვის ბრალის წარდგენას საერთოდ არ ელოდება და ჟურნალისტების კითხვას კითხვით პასუხობს:

“თქვენ თვლით თავს დამნაშავედ რამეში?”

გამოძიება  სისხლის სამართლის კოდექსის 240-ე პრიმა მუხლის პირველი და მეორე ნაწილებით გრძელდება, რაც გულისხმობს ელექტროობიექტზე უსაფრთხოების წესების დარღვევას, რასაც მოჰყვა ადამიანის სიცოცხლის მოსპობა. დანაშაული 4-დან 7 წლამდე ვადით თავისუფლების აღკვეთას ითვალისწინებს.