პირადი წყენის საფუძველზე დაზიანებები მიაყენა, ამოღებულია დანა, ჩაქუჩი – შსს თბილისში მომხდარ მკვლელობაზე

შინაგან საქმეთა სამინისტროს განცხადებით, თბილისში მომხდარ მკვლელობაში ბრალდეული – 1976 წელს დაბადებული მ.ქ. განზრახ მკვლელობის ბრალდებით დააკავეს.

“გამოძიებით დადგინდა, რომ ბრალდებულმა მიმდინარე წლის 8 აგვისტოს, თბილისში, პირადი წყენის საფუძველზე, 1976 წელს დაბადებულ გ.ბ.-ს ცივი იარაღის და ბლაგვი საგნის გამოყენებით სხეულზე დაზიანებები მიაყენა, რის შედეგადაც გ.ბ. ადგილზე გარდაიცვალა.

ბრალდებული შემთხვევის ადგილიდან მიიმალა. პოლიციამ შესაბამისი ოპერატიულ-სამძებრო და საგამოძიებო მოქმედებების შედეგად, მ.ქ. მომხდარიდან მალევე დააკავა.

სამართალდამცველებმა შემთხვევის ადგილიდან დანაშაულის ჩადენის იარაღი დანა და ჩაქუჩი ნივთმტკიცებად ამოიღეს”, – ნათქვამია შსს-ის განცხადებაში.

განზრახ მკვლელობის ფაქტზე გამოძიება საქართველოს სსკ-ის 108-ე მუხლით მიმდინარეობს. დანაშაული 7-დან 15 წლამდე ვადით თავისუფლების აღკვეთას ითვალისწინებს.

ცნობისთვის,თბილისში  მოკლული 45 წლამდე კაცი გიორგი ბასიაშვილია, რომელიც “მთავარი არხის” ინფორმაციით წლების განმავლობასი თბილისში ერთ-ერთ ტკბილეულის ქარხანაში მუშაობდა. 

ახალგაზრდა კაცს სასიკვდილო ჭრილობები დაცვის თანამშრომელმა მიაყენა. ცხედარი მშობლიურ ქალაქს კასპში უკვე გადაასვენეს. მოკლული კასპში სამ მცირეწლოვანათან და ცოლთან ერთად ცხოვრობდა. ოჯახის წევრები მედიასთან არ საუბრობენ.